मेनरोड घेणार मोकळा श्वास !

महापालिका अतिक्रमण विभागाची लवकरच कारवाई अतिक्रमण
नाशिक : प्रतिनिधी
महापालिकेच्या अतिक्रमण विभागाकडून येत्या दोन – तीन दिवसांत अतिक्रमण मोहीम हाती घेण्यात येणार आहे . यामध्ये मेनरोडसह नाशिकरोड येथील काही भागांचा समावेश आहे . यादृष्टीने महापालिकेच्या वतीने नियोजन सुरू आहे , अशी माहिती अतिक्रमण विभागाच्या उपायुक्त करुणा डहाळे यांनी दिली .

महापालिका आयुक्त तथा प्रशासक रमेश पवार यांनी शहर सौंदर्य करण्यावर विशेष भर दिलेला आहे . त्यानुसार त्यांनी पवित्र गंगाघाट परिसर अतिक्रमणमुक्त केले आहे , तर त्या ठिकाणी फक्त पूजा साहित्य विक्री करणाऱ्यांना परवानगी देण्यात आली आहे . नाशिक शहर अतिक्रमणमुक्त करण्याचा त्यांचा मानस आहे .

शहरातील सर्व विभागीय अधिकाऱ्यांना अतिक्रमण विभागाच्या वतीने सूचना जारी – करण्यात येऊन आपापल्या भागातील । सर्वांत जास्त अतिक्रमण झालेल्या ठिकाणांची यादी महापालिकेच्या अतिक्रमण विभागाला सादर करण्याच्या सूचना करण्यात आल्या आहेत.

यानुसार नाशिकरोड तसेच पश्चिम विभागातील अधिकाऱ्यांकडून याबाबत पाठपुरावा करण्यात आला असल्याची माहिती मिळाली असून , सर्व विभागांची माहिती गोळा झाल्यानंतर पोलिसांचा बंदोबस्त घेऊन सर्व विभागांचा फौजफाटा एकत्रित करून शहरात भव्य अतिक्रमण निर्मूलन मोहीम हाती घेण्यात येणार आहे . महापालिकेच्या अतिक्रमण विभागाच्या वतीने लवकरच विशेष मोहीम हाती घेण्यात येणार आहे . यामध्ये शहरातील महत्त्वाच्या रस्त्यांवर हातगाडीवाले तसे टपऱ्या आदींमुळे
मोठ्या प्रमाणात अतिक्रमण झाले आहे , अशा ठिकाणी कारवाई करण्यात येणार आहे . पालिकेने अतिक्रमण मोहीम राबविल्यास मेनरोड परिसर मोकळा श्वास घेणार आहे . मोठ्या प्रमाणात झालेल्या अतिक्रमणामुळे परिसरातील रस्ते अरुंद होऊन येथून चालायला देखील रस्ता मिळत नसल्याचे चित्र आहे . सहाही विभागातील अतिक्रमणाची माहिती घेतली जात आहे . गेल्या काही दिवसांत पालिकेने विविध ठिकाणची अतिक्रमणे हटविली आहेत .