नाशिक

खग्रास चंद्रग्रहणामुळे मंदिरे ठराविक काळासाठी बंद

नाशिक : प्रतिनिधी
खग्रास चंद्रग्रहणाच्या पार्श्वभूमीवर शहरातील प्रमुख मंदिरांतील दर्शन व्यवस्थेत मंगळवार, दि. 3 मार्च रोजी तात्पुरता बदल करण्यात आला आहे. ग्रहणकाळात मंदिरांमध्ये दर्शन व्यवस्था पूर्णपणे बंद ठेवण्यात येणार आहे.
त्र्यंबकेश्वर मंदिरासह शहरातील प्रमुख देवस्थानांमध्ये दुपारी 3.20 ते सायंकाळी 6.48 वाजेपर्यंत गाभार्‍यात प्रवेश, तसेच पूजा-अर्चा व दर्शन पूर्णतः बंद राहणार आहे. ग्रहण सुटल्यानंतर मंदिरात शुद्धीकरण विधी करण्यात येतील. त्यानंतरच भाविकांसाठी मंदिर पुन्हा दर्शनासाठी खुले करण्यात येणार असल्याची माहिती प्रशासनाकडून देण्यात आली आहे.
शहरातील कपालेश्वर मंदिर, काळाराम मंदिर, नवश्या गणपती मंदिर, सोमेश्वर मंदिर, चांदीचा गणपती मंदिर तसेच बालाजी मंदिर यांसह सर्व प्रमुख मंदिरांमध्येही याच वेळेत दर्शन बंद राहणार आहे.
दरम्यान, 3 मार्च रोजी धूलिवंदनची सुट्टी असल्याने दर्शनासाठी मोठ्या संख्येने भाविक उपस्थित राहण्याची शक्यता आहे. मात्र, ग्रहणकाळात कोणत्याही परिस्थितीत दर्शनाची परवानगी दिली जाणार नाही. त्यामुळे लांबून येणार्‍या भाविकांनी आणि पर्यटकांनी वेळेची विशेष नोंद घेऊन आपले नियोजन करावे, असे आवाहन करण्यात आले आहे.
ग्रहणकाळात मंदिरांच्या नियमावलीनुसार पूजा-अर्चा, अभिषेक आणि दर्शन पूर्णपणे बंद ठेवले जाते. ग्रहणमोक्षानंतर पारंपरिक विधीनुसार शुद्धीकरण प्रक्रिया पार पाडल्यानंतरच नियमित धार्मिक कार्यक्रमांना सुरुवात केली जाईल.

वर्षातील पहिले चंद्रग्रहण

या वर्षातील पहिले चंद्रग्रहण मंगळवार, दि. 3 मार्च रोजी होणार आहे. हे खग्रास चंद्रग्रहण असणार आहे. हे चंद्रग्रहण सिंह राशीत आणि पूर्वा फाल्गुनी नक्षत्रात होईल. भारतात हे चंद्रग्रहण दिसणार आहे. ग्र्रहणाच्या नऊ तास आधी देशात सुतक काळ सुरू होईल. चंद्रग्रहण दुपारी 3.20 मिनिटांनी सुरू होईल आणि संध्याकाळी 6.46 मिनिटांनी संपेल. यावर्षीचे पहिले चंद्रग्रहण 3 तास 27 मिनिटे असणार आहे. 3 मार्च रोजी सकाळी 6.20 वाजता सुतक काळ सुरू होईल. यावेळेत शुभकार्य करण्यास मनाई असते.

Temples closed for a certain period due to lunar eclipse

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

16 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

17 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

17 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

17 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

17 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

17 hours ago