शासनाच्या संवेदनशून्य कारभाराचा निषेध
नाशिक/त्र्यंबकेश्वर : प्रतिनिधी
शासकीय रुग्णालयात बालकाचा मृत्यू झाल्यास मृतदेह घरी नेण्यासाठी मोफत शववाहिनी देण्याची तरतूद असतानाही त्र्यंबकेश्वर तालुक्यातील एका दुर्दैवी माता-पित्याला आपल्या बाळाचा मृतदेह दुचाकीवरून पोटाशी धरून तब्बल 60 किलोमीटर अंतराचा प्रवास करण्याची अमानुष वेळ आली आहे. या घटनेने संपूर्ण जिल्ह्यातून संताप व्यक्त होत आहे.
त्र्यंबकेश्वर तालुक्यातील टाकेदेवगाव (बर्ड्याची वाडी) येथील संगीता राहुल मेंगाळ या गर्भवती महिलेला 1 ऑक्टोबर 2026 रोजी नाशिक जिल्हा सामान्य रुग्णालयात प्रसूतीसाठी दाखल करण्यात आले होते. शुक्रवारी पहाटे 2 वाजता त्यांनी बाळाला जन्म दिला. मात्र, सकाळी 11 वाजता उपचार सुरू असताना नवजात बालकाचा मृत्यू झाला. दुःखात असलेल्या माता-पित्यांनी मृतदेह घरी नेण्यासाठी शासकीय वाहनाची मागणी केली; परंतु रुग्णालयाकडून त्यांना थेट नकार देण्यात आला. गरीब परिस्थितीमुळे खासगी रुग्णवाहिकेचा खर्च करणे अशक्य असल्याने, अखेर त्या हतबल पालकांना पोटच्या गोळ्याचा मृतदेह मोटारसायकलवर ठेवून बालकाचे वडील, काका व आत्या यांनी नाशिक ते टाकेदेवगाव असा 60 किमीचा खडतर प्रवास करावा लागला. या धक्क्यामुळे बालकाच्या मातेची प्रकृती बिघडल्याने तिला पुन्हा जिल्हा रुग्णालयात उपचारासाठी दाखल करावे लागले आहे.
शासनाच्या या संवेदनशून्य कारभाराचा एल्गार कष्टकरी संघटनेने तीव्र शब्दात निषेध केला असून, त्र्यंबकेश्वर उपजिल्हा रुग्णालयाच्या स्थलांतरामुळे ग्रामीण भागातील आरोग्य यंत्रणा कोलमडल्याचा आरोप केला आहे.
सर्वसामान्यांच्या सुविधा नाकारणार्या आणि माणुसकीला काळिमा फासणार्या संबंधित अधिकारी-कर्मचार्यांवर योग्य तो गुन्हा दाखल करण्यात यावा, अन्यथा तीव्र आंदोलन छेडण्यात येईल.
-भगवान मधे, अध्यक्ष, एल्गार कष्टकरी संघटना महाराष्ट्रशासकीय योजना कागदावरच
भारत सरकारच्या जननी शिशु सुरक्षा कार्यक्रमांतर्गत एक वर्षापर्यंतच्या बालकांसाठी मोफत उपचारासह घर ते रुग्णालय आणि रुग्णालयातून घरी जाण्यासाठी मोफत वाहतुकीची सोय आहे. दुर्दैवाने मृत्यू झाल्यास मृतदेह सन्मानाने घरी नेण्यासाठी हर्स व्हॅन किंवा विशेष रुग्णवाहिका उपलब्ध करून देणे बंधनकारक असतानाही या कुटुंबाला ही सुविधा नाकारण्यात आली.
The unfortunate situation of having to transport a child’s body on a two-wheeler.
लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…
कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…
सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…
अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…
महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…