त्र्यंबकला शिवसैनिकांची बंडखोरांविरुद्ध घोषणाबाजी

त्र्यंबकेश्‍वर : प्रतिनिधी
येथे शिवनेरी चौकात छत्रपती शिवाजी महाराज यांच्या पुतळयासमोर शनिवारी दुपारी शिवसैनिकांनी एकनाथ शिंदे यांच्यासह बंडाळी करणा-या आमदारांचा निषेध करत घोेषणाबाजीने परिसर दणाणून सोडला. यावेळेस त्र्यंंबकेश्वर शहर आणि तालुक्यातील शिवसैनिकांनी आपण मुख्यमंत्री उद्धव ठाकरे यांच्या सोबत कायम असल्याचे सांगितले. तसेच गद्दारांना मतदार धडा शिकवतील असे मत व्यक्त केले.शिवसेना पक्षप्रमुख उद्धव ठाकरे आजारी असतांना अशा प्रकारे त्यांना यातना देण्याचे काम करणा-यांना कदापि, माफ केले जाणार नाही.याची शिक्षा त्यांना जरूर मिळेल तसेच त्यांना फूस लावणारे आणि खेळ करनारे यांना मतदारांनी ओळखले आहे. त्यांना देखील याची परतफेड करावी लागेल असा इशारा देण्यात आला आहे. यावेळेस तालुका प्रमुख रवी वारूणसे,शहर प्रमुख सचिन दीक्षित,शहर संघटक नितीन पवार, शिवसेना गटनेत्या नगरसेविका मंगला आराधी, महिला तालुका प्रमुख नगरसेविका कल्पना लहांगे,कल्पेश कदम,सचिन कदम, सतीश कदम,बाळासाहेब गाजरे,सचिन कर्पे यासह मोठया संख्येने शिवसैनिक उपस्थित होते.