सिडको : विशेष प्रतिनिधी
अंधेरी (मुंबई) येथून सुमारे दहा लाखांची रोकड चोरून नाशिकच्या दिशेने येत असलेल्या दोन संशयितांना आडगाव पोलिसांच्या गुन्हे शोध पथकाने थरारक पाठलाग करून अटक केली. आरोपींकडून 8 लाख 94 हजार रुपयांची रोकड, कार आणि मोबाइलसह 16 लाख 78 हजारांचा मुद्देमाल जप्त करण्यात आला.
अंधेरी (मुंबई) येथून सुमारे 10 लाखांची रोकड लंपास करून नाशिककडे येणार्या दोन चोरट्यांना आडगाव पोलिसांच्या गुन्हे शोध पथकाने थरारक पाठलाग करून अटक केली. राहुल शिवप्रसाद जैसवाल (रा. महाकाली, अंधेरी पूर्व) आणि शिवम सिंह (रा. मिलिंदनगर, पवई) अशी अटक करण्यात आलेल्या आरोपींची नावे आहेत. पोलिसांनी आरोपींकडून 8 लाख 94 हजार रुपयांची रोकड, स्विफ्ट डिझायर कार आणि दोन मोबाइल फोन असा एकूण 16 लाख 78 हजार रुपयांचा मुद्देमाल जप्त केला आहे.
ही कारवाई वरिष्ठ पोलीस निरीक्षक दिलीप राठोड यांच्या मार्गदर्शनाखाली सहायक पोलीस निरीक्षक निखिल बोंडे, सतीश जगदाळे, पोलीस हवालदार दादासाहेब वाघ, शिवाजी आव्हाड, इम्रान शेख, नीलेश काटकर, श्रीकांत महाजन, मनोज परदेशी तसेच पोलीस अंमलदार सुमित शिंदे, मनोज मोरे, अक्षय गोसावी, प्रीतम बोराटे, रवींद्र लिलके आणि नीलेश दिवटे यांनी केली.
Two men who made off with ₹10 lakh in cash from Mumbai have been nabbed by the Adgaon police.