नाशिक

‘ई-चलन’ कारवाईनंतरही सिग्नल जम्पचे प्रकार

वाहनधारकांकडून नियमांचे सर्रासपणे उल्लंघन

सिग्नलची ऐशीतैशी
रेड सिग्नल असूनही नियमांचे उल्लंघन करत वाहनधारक सर्रास गाड्या चालवत असल्याचे चित्र दिसत आहे. यात सिटीलिंकचे चालकही मागे नाहीत.

नाशिक : प्रतिनिधी
शहर पोलीस आयुक्तालयाने वाहतुकीला शिस्त लागावी म्हणून सिग्नलवरील सीसीटीव्ही कॅमेरे कार्यान्वित करून ई-चलन कारवाई सुरू केली आहे. दोन दिवसांत तीनशेहून अधिक वाहनधारकांच्या मोबाइलवर दंडाचा मेसेज पडला आहे. पण तरीही सर्रासपणे सिग्नल जम्प करण्याचे प्रकार घडतच आहेत. सिग्नल जम्प करण्यात सिटीलिंकचे चालकही आघाडीवर असल्याचे चित्र आहे. त्यामुळे ही मोहीम अधिक व्यापक केल्याशिवाय वाहतुकीला शिस्त लागणे अवघड आहे.
नाशिकमध्ये सध्या वेगवेगळ्या भागांत सिंहस्थाची कामे सुरू आहेत. रस्ते खोदल्यामुळे वाहतुकीचा पुरता इस्कोट झाला आहे. आगामी सिंहस्थाच्या पार्श्वभूमीवर द्वारका येथील भुयारी मार्गाचेही काम वेगात सुरू आहे. काही भागांत जलवाहिनीची कामे सुरू आहेत. या सर्वांमुळे वाहतुकीची कोंडी होत असताना शहर पोलिसांकडून वाहतुकीला शिस्त लावण्याचे काम सुरू आहे. मात्र, पोलिसांच्या या प्रयत्नांना वाहनधारकांबरोबरच सिटीलिंक कंपनीचे चालकही सर्रासपणे नियम तोडत आहेत.
सिग्नल जम्प केल्यास ई-चलनद्वारे दंड केला जात असला, तरी त्याचा कोणताच धाक दिसत नाही. रेड सिग्नल असला तरी सिटीलिंकच्या बसेस सर्रासपणे धावत आहेत. त्यामुळे सिटीलिंकच्या चालकांना या दंडात्मक कारवाईचे काहीच सोयरसुतक नसल्याचे चित्र आहे. अशीच परिस्थिती रिक्षाचालकांचीही आहे. वाहतुकीचे नियम धाब्यावर बसविण्यात रिक्षाचालकच आघाडीवर आहेत. नो एन्ट्री असूनही रिक्षाचालक अगदी फ्रंटसीट प्रवासी बसवून धूम स्टाइलने रिक्षा दामटत असल्याने पोलिसांनी ई-चलनबरोबरच चौकाचौकांत वाहतूक पोलीस उभे करण्याची गरज निर्माण झाली आहे.

Types of signal jumps even after the ‘e-challan’ action

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago