नाशिक

म्हसरूळ गुलमोहरनगर परिसरात टवाळखोरांचा धुमाकूळ

रात्रीच्या वेळी नशेखोरांचा उपद्रव; नागरिक त्रस्त

पंचवटी : प्रतिनिधी
म्हसरूळ परिसरातील गुलमोहरनगर भागात गेल्या काही दिवसांपासून टवाळखोरांनी अक्षरशः उच्छाद मांडला आहे. रात्रीच्या अंधारात गांजा, मद्य आणि इतर अमली पदार्थांचे उघडपणे सेवन केले जात असून, या टोळक्यांमुळे स्थानिक रहिवाशांमध्ये भीतीचे वातावरण पसरले आहे. ‘मेरी-म्हसरूळ’ पट्ट्यातील गुन्हेगारीचा इतिहास पाहता पोलिसांनी वेळीच आवर न घातल्यास मोठ्या घटनेची शक्यता नाकारता
येत नाही.
अभिषेक विहार हा शांत रहिवासी परिसर म्हणून ओळखला जातो. मात्र, गेल्या काही महिन्यांपासून रात्री दहानंतर या भागाचे चित्र पालटते. परिसरातील कोपर्‍यात, अंधार्‍या गल्ल्यांमध्ये आणि उद्यानांच्या परिसरात तरुणांची टोळकी जमतात आणि याच ठिकाणी उघडपणे गांजा ओढला जातो. मद्याच्या पार्ट्या झोडल्या जातात. तसेच नशेत असलेल्या या तरुणांकडून मोठ्याने ओरडणे, शिवीगाळ करणे आणि अश्लील भाषेत संभाषण करण्याचे प्रकार घडत आहेत. तरुणांची संख्या मोठी असल्याने आणि त्यांच्याकडे धारदार शस्त्रे असण्याच्या भीतीने नागरिक त्यांना हटकण्याचे धाडस करत नाहीत.

पोलिसांचा ‘बालेकिल्ला’ थंडावला

नाशिक पोलिसांनी शहरात ’कायद्याचा बालेकिल्ला’ मोहीम राबवून गुन्हेगारांचे कंबरडे मोडण्याचा प्रयत्न केला होता. त्यामुळे पुन्हा म्हसरूळ परिसरातील या उपनगरांमध्ये कोम्बिंगसारखे ऑपरेशन राबवून या भागातील टवाळखोरांवर जरब बसविण्याची गरज व्यक्त केली जात आहे. तसेच अभिषेक विहार परिसरातील हा दहशतीचा ’अड्डा’ बंद करणार का? याकडे सर्वांचे लक्ष लागले आहे.

पोलिसांसमोर आव्हान

मेरी आणि म्हसरूळ परिसरात यापूर्वी खून, खुनाचा प्रयत्न आणि टोळीयुद्ध यांसारख्या गंभीर घटना घडल्या आहेत. अशा घटनांची मुळे ही अशाच लहान लहान वादांतून घडतात. त्यामुळे पोलीस प्रशासनाने वेळीच या भागाकडे गांभीर्याने लक्ष देण्याची गरज आहे.

सुरक्षेचा प्रश्न ऐरणीवर

या परिसरातील महिलांना संध्याकाळी घराबाहेर पडणे कठीण झाले आहे. टवाळखोरांच्या संशयास्पद हालचालींमुळे लहान मुले आणि ज्येष्ठ नागरिकांच्या सुरक्षिततेचा प्रश्न ऐरणीवर आला आहे.स्थानिक रहिवाशांनी सांगितले की, आम्हाला स्वतःच्या घरातही सुरक्षित वाटत नाही. शांतताभंग होत असून, मानसिक त्रास सहन करावा लागत आहे.

नागरिकांच्या मागण्या

गुलमोहरनगर, अभिषेक विहार परिसरात रात्रीची पोलीस गस्त वाढवावी, संशयास्पदरीत्या फिरणार्‍या तरुणांची चौकशी करून कडक कारवाई करावी, ‘कोम्बिंग ऑपरेशन’ राबवून नशेबाजांचे अड्डे उद्ध्वस्त करावेत. सीसीटीव्ही फुटेजच्या माध्यमातून टवाळखोरांवर नजर ठेवावी.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

19 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

20 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

20 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

20 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

20 hours ago