Categories: महाराष्ट्र

प्रजासत्ताक दिन संचालनाला वेदांत गायकवाड याची निवड

देवळाली कॅम्प : वार्ताहर
भगूर येथील बिटको महाविद्यालयाचा छात्र सेना विभागाचा विद्यार्थी वेदांत संग्राम गायकवाड याची नवी दिल्ली येथे 26 जानेवारीला प्रजासत्ताक दिनी होणार्‍या संचालनासाठी निवड झाली आहे. वेदांत संग्राम गायकवाड हा बिटको कॉलेज एस वाय कॉमर्सचा विद्यार्थी आहे. यापूर्वी देखील त्याने दिल्ली आजादी का अमृत महोत्सव, एनसीसीद्वारे विशेष राष्ट्रीय एकात्मता शिबिर, विजय श्रुंखाला और संस्कृती का महासंगम मेग! इव्हेंटमध्ये नेतृत्व केले आहे. नवी दिल्लीतील शिबिरात सर्व राज्यातून आलेल्या विद्यार्थ्यांबरोबर 22 भाषेतील गाणेही सादर केले होते. प्राचार्य डॉ. मंजुषा कुलकर्णी व कॉलेजचे शिक्षक शिक्षिका आदींनी वेदांत गायकवाड याचे अभिनंदन केले.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.