सप्तशृंगीदेवी ट्रस्ट रुग्णालयात भाविक डॉक्टरांच्या प्रतीक्षेत

सप्तशृंगगड: वार्ताहर

सप्तशृंगगडावर येणाऱ्या भाविकांना तसेच येथील ग्रामस्थांना आरोग्य सुविधा पुरविण्याबाबत ट्रस्ट अतिशय जागरूक असल्याचे बोलले जात आहे . प्रत्यक्षात मात्र गडावरील धर्मार्थ दवाखान्याची इमारत ही केवळ शोभेची वास्तू बनली असून , या रुग्णालयात गेल्या चार महिन्यांपासून डॉक्टर नसल्याने विशेष करून भाविकांचे व येथील ग्रामस्थांचे चांगलेच हाल होताना दिसत आहेत .

हेही वाचा: सप्तशृंगी मंदिर गर्भगृहाला चांदीच्या नव्या नक्षकांत रूपाची झळाळी

हृदयाचा डिफिब्रीलेटर हृदयाला संकट समयी हृदय सुरू ठेवण्यासाठी सुरक्षा देणारे उपकरण यंत्र धर्मार्थ रुग्णालयास भेट दिले आहे . परंतु हे यंत्र चालविण्यासाठी येथे डॉक्टरच उपलब्ध नसल्याने हे यंत्र शोभेची वस्तू बनली आहे . येथे दोन दिवसांपूर्वी ३२ वर्षीय तरुण युवकाचा हृदयविकाराने मृत्यू झाला .

हेही वाचा : सप्तशृंगी मातेच्या चैत्र उत्सवास प्रारंभ

या धर्मार्थ रुग्णालयात डॉक्टर उपलब्ध असते तर वेळीच उपचार करून या युवकाचे प्राण वाचले असते . येथे धर्मार्थ दवाखान्यात डॉक्टर नसल्याने ग्रामस्थांमध्ये संताप व्यक्त केला जात आहे . तसेच भारतीय स्टेट बँकेच्या निधीतून भाविक व ग्रामस्थांच्या रुग्णसेवेसाठी अत्याधुनिक तंत्रज्ञानाने सुसज्ज अशी कार्डियाक रुग्णवाहिका भेट दिली आहे . परंतु डॉक्टर नसल्याकारणाने त्या रुग्णवाहिकाचा वापर होत नाही .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.