वावीजवळ ५० लाखांचा गुटखा व मुद्देमाल जप्त

वावी: वार्ताहर-

सिन्नर शिर्डी रस्त्यावर पिंपरवाडी टोल नाक्याजवळ पोलिसांना मिळालेल्या गुप्त माहितीवरून अशोक लेलँड ट्रक क्र एम एच २८ बी बी २४३८ व टोयोटा इनोव्हा एम एच ४६ एल २९९९ ची तपासणी केली असता त्यात ७५ गोण्यामध्ये भरलेला सुगंधी पानमसाला गुटखा ३० लाख ७८ हजारांचा मिळून आला याबाबत पोलीस नाईक देविदास माळी यांनी फिर्याद दिली असून सलीम खान अफसर खान,अहमद खान रेहमद खान,समीर खान अफसर खान ,शेख रेहमान शेख रहीम ,अरीफ खान दिलावर खान सर्व रा.ताजनगर अलीमनगर अमरावती यांच्या विरोधात ३२८,१८८,२७२,२७३ प्रमाणे गुन्हा दाखल केला असून २० लाखांचे दोन्ही वाहनेही जप्त केली असल्याची माहिती सहाय्यक पोलीस निरीक्षक चेतन लोखंडे यांनी दिली.ही कारवाई सहाय्यक पोलीस निरीक्षक चेतन लोखंडे यांच्या मार्गदर्शनाखाली नाईक देविदास माळी,शेलार,भास्कर जाधव आदींच्या पथकाने केली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.