नाशिक

आम्ही सर्व एक आहोत… ज्ञानकुंभातून एकात्मतेचा संदेश

नाशिक : प्रतिनिधी
सनातन वैदिक धर्मपरंपरा, शास्त्रशुद्ध चिंतन आणि जागतिक पातळीवर हिंदू समाजाला प्रमाणाधारित धर्मशास्त्रीय मार्गदर्शन करण्याच्या उद्देशाने नाशिकमध्ये दोन दिवसीय ज्ञानकुंभाचे आयोजन करण्यात आले होते. यावेळी आम्ही सर्व एक आहोत; यामध्ये कोणताही वाद, जातिवाद, धर्मवाद किंवा प्रांतवाद नाही, असा एकात्मतेचा संदेश देत महंत अनिकेतशास्त्री देशपांडे महाराज यांनी दिला.
या ज्ञानकुंभासाठी महंत भक्तिचरण दास महाराज, परशुराम आर्थिक विकास महामंडळाचे अध्यक्ष आशिष दामले, सुनील घनवट, लक्ष्मण सावजी, आकाश छाजेड यांच्यासह श्री काशी विद्वत धर्मपरिषद, अखिल भारत हिंदू महासभा, आखाडा परिषद, त्र्यंंबकेश्वर पुरोहित संघ, नाशिक पुरोहित संघ, आध्यात्मिक आघाडी, सनातन संस्थांचे प्रतिनिधी यावेळी उपस्थित होते.
यावेळी मार्गदर्शन करताना महंत अनिकेतशास्त्री म्हणाले, की कुंभमेळा पाचशे वर्षांपूर्वीचा नसून अनादि, प्राचीन आहे. त्याचे दाखले वेद, पुराणे आणि शिवपुराणात स्पष्टपणे मिळतात. हा ऐतिहासिक व शास्त्रीय पुरावा समाजासमोर आणण्यासाठी पाचशे पानांचा सर्वसमावेशक अहवाल केंद्र व राज्य शासनाला सादर केला जाईल. तसेच गेल्या 50 वर्षांत सनातन धर्मावर झालेले अन्याय दूर होत असले, तरी शासनाने ध्वजारोहण व कुंभविधी पूर्णपणे शास्त्रोेक्त पद्धतीने पार पाडण्यासाठी ठोस पावले उचलावीत, अशी अपेक्षा त्यांनी व्यक्त केली. स्वामी अक्षय्यानंद वृंदावनधाम येथील जगदगुरू शंकराचार्य दीक्षित नैष्ठिक संन्यासी स्वामी श्री अक्षय्यानंद महाराज यांनी सांगितले की, कुंभमेळा हा अत्यंत पवित्र आणि उत्साहाचा सोहळा असतो. मात्र, नियोजनात प्रशासनाकडून काही उणिवा जाणवत
आहेत.
यासाठी सर्व आखाडे, महंत आणि प्रशासनाने समन्वय साधून तोडगा काढणे गरजेचे आहे. ज्ञानकुंभातील उच्चविद्याविभूषित महंतांचे विचार लक्षात घेऊनच सरकारने आपली भूमिका ठरवावी.

कुंभमेळ्यात परधर्मीयांना प्रवेश नको : रणजित सावरकर
स्वातंत्र्यवीर सावरकर राष्ट्रीय स्मारकाचे कार्याध्यक्ष रणजित सावरकर यांनी कुंभमेळ्याच्या पावित्र्याबाबत रोखठोक भूमिका मांडली. हिंदूंच्या या सर्वोच्च धार्मिक उत्सवात व कुंभमेळ्यात इतर धर्मीयांना प्रवेश दिला जाऊ नये, असा स्पष्ट आदेश संत-महंतांनी द्यावा, असे आवाहन त्यांनी यावेळी केले.

तेराच आखाडे, महिलांचा स्वतंत्र आखाडा नाही : भगवान बाबा
त्र्यंबकेश्वर आखाडा परिषदेचे महामंडलेश्वर 1008 महंत शंकरानंद सरस्वती महाराज (भगवान बाबा) यांनी स्पष्ट केले की, परंपरेनुसार केवळ 13 आखाडेच अस्तित्वात असून, नवीन आखाडा तयार होऊ शकत नाही आणि त्याला शासन वा प्रशासन मान्यता देऊ शकत नाही. अमृतस्नानाची वेळ व काळ निश्चित असतेे. सनातन परंपरेत लिंगभेद मानला जात नाही; विद्यमान आखाड्यांमध्येही महिलांचा सहभाग असतो. त्यामुळे महिलांसाठी वेगळा आखाडा होणार नाही आणि तशी परवानगी दिली जाणार नाही. त्र्यंबकेश्वरची नागा परंपरा अखंड राहील आणि या ज्ञानकुंभाच्या माध्यमातून राष्ट्र एकसंध ठेवण्याचे कार्य केले जाईल, असा विश्वास त्यांनी व्यक्त केला.

We are all one… a message of unity from the ‘Knowledge Pitcher’ (Dnyankumbh).

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

1 day ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

1 day ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

1 day ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago