नाशिक

युवा शेतकरी दाम्पत्याचा विजेच्या धक्क्याने मृत्यू

नळवाडपाडा येथील हृदयद्रावक घटना

दिंडोरी : प्रतिनिधी
तालुक्यातील नळवाडपाडा येथे घराच्या छतास लोखंडी पाइपला शिकार पंप बांधण्यास गेलेला युवा शेतकरी त्या पाइपमध्ये वीजप्रवाह उतरल्याने चिकटला. त्यास वाचविण्यास गेलेल्या पत्नीसही विजेचा धक्का बसला. युवा शेतकरी दाम्पत्य मृत झाल्याची दुर्दैवी घटना घडली. या घटनेने सर्वत्र हळहळ व्यक्त होत आहे. याबाबत मिळालेली माहिती अशी की नळवाडपाडा येथील साहेबराव चंदर महाले (वय 29) हे वस्तीवर राहतात. गेल्या पंधरा दिवसांपासून सातत्याने पाऊस सुरू असून, गुरुवारी सकाळी आठच्या सुमारास झालेल्या पावसावेळी ते आपल्या घराचे पडवीच्या छताच्या लोखंडी पाइपला शिकार पंप बांधण्यास गेले. संबंधित पाइपमध्ये वीजप्रवाह उतरलेला होता. त्या विजेचा धक्का त्यास बसला, हे बघताच त्यांची पत्नी राणी (वय 25) ही त्यांना वाचवण्यास गेली. तिलाही विजेचा शॉक बसला. नातेवाइकांनी त्यांना तत्काळ दिंडोरी ग्रामीण रुग्णालयात उपचारासाठी आणले. मात्र डॉक्टरांनी त्यांना मृत घोषित केले. पावसामुळे घराची पडवी पूर्ण ओली असल्याने विजेचा तीव्र शॉक बसत त्यांना वाचण्याची संधी मिळाली नाही. सदर महिला सात महिन्यांची गर्भवती होती. पोलिसांनी घटनेची नोंद केली आहे. युवा दाम्पत्याचा मृत्यू झाल्याने सर्वत्र हळहळ व्यक्त होत आहे. त्यांच्या पश्चात आई, भाऊ, दोन मुलगी, असा परिवार आहे.

पप्पा-मम्मी कधी येणार?

या घटनेनंतर दोघांनाही दिंडोरी रुग्णालयात नेण्यात आले. यावेळी चिमुकल्यांना सांगितले की, पप्पा,मम्मी दिंडोरीला गेले, येतील. शुक्रवारी पंचनामा करण्यासाठी तलाठी, ग्रामसेवक, वीज कर्मचारी आले त्यावेळी चिमुकल्यांना वाटले आपले पप्पा- मम्मी आले. पण त्या गाडीत ते दिसले नाहीत. चिमुकल्यांनी आजीला विचारले पप्पा-मम्मी कधी येणार, हे ऐकताच सर्वांना गहिवरून येत सर्वांचेच डोळे पाणावले.

Gavkari Admin

Recent Posts

ऑनलाइन गेमच्या व्यसनापायी वैद्यकीय शिक्षण सोडून बनला चोर

ऑनलाइन  गेमच्या व्यसनापायी वैद्यकीय शिक्षण सोडून बनला चोर शहापूर:  साजिद शेख ऑनलाईन मोबाइल गेमच्या आहारी…

7 hours ago

नांदगावच्या कन्या विद्यालयात कूकर फुटला

नांदगावच्या कन्या विद्यालयात कूकर फुटला शालेय पोषण आहार शिजवणाऱ्या दोन महिला जखमी नांदगाव: प्रतिनिधी -…

16 hours ago

रुग्णालयातून बालिकेच्या अपहरणाचा प्रयत्न फसला.. तरुणाला नागरिकांनी दिला चोप

मनमाड: प्रतिनिधी मागील काही दिवसांपूर्वी मनमाड शहरातील सिकंदर नगर भागातील पाच वर्षीय मुलाचे अपहरण करण्याचा…

2 days ago

राज्यात वरिष्ठ अधिकाऱ्यांचा हनी ट्रॅप केंद्रबिंदू या शहरात

राज्यात वरिष्ठ अधिकाऱ्यांचा हनी ट्रॅप केंद्रबिंदू या शहरात शहापूर/ साजिद शेख गेल्याकाही दिवसांपासून विधीमंडळात एक-…

2 days ago

जव्हार( राजेवाडी )येथे गॅस्ट्रो साथीचे थैमान

जव्हार( राजेवाडी )येथे गॅस्ट्रो साथीचे थैमान: दोन रुग्णांचा मृत्यू, 14 रुग्णांवर   उपचार सुरू मोखाडा:   …

2 days ago

आधी प्रेम… मग लिव्ह इन अन नंतर …

आधी प्रेम... मग लिव्ह इन अन नंतर ... शहापूर/साजिद शेख २१ वर्षीय महाविद्यालयीन तरुणीला अश्लील…

2 days ago