पोल्ट्रीचे काम सोडणे युवकाला पडले महागात, मालकाने केले असे काही….

चांदवड तालुक्यातील युवकाचे अपहरण करून अमानुष मारहाण व्हिडीओ व्हायरल…! पोलिस कारवाई करणार का…?

मनमाड : प्रतिनिधी

चांदवड तालुक्यातील तळेगाव रोही येथील एका अपंग तरुणाला 6 ते 7 जणांच्या टोळक्याने अपहरण करून एका बंद खोलीत नेऊन काठी लाथा बुक्क्याने मारहाण केल्याची घटना घडली असुन या घटनेचा व्हिडीओ सोशल मीडियावर व्हायरल झाला आहे. फिरोज पठाण असे त्या पीडित तरुणाचे नाव आहे. दादा गाढे व त्याच्या साथीदारानी फिरोजला अपहरण करून खोलीत डांबून ठेवत अमानुषपणे मारहाण केली आहे.याबाबत पोलीस ठाण्याला कळविले असुन पोलीस कारवाई करतील का असा सवाल सर्वसामान्य जनतेकडून विचारला जात आहे.
याबाबत सविस्तर वृत्त असेंकी फिरोज पठाण हा पूर्वी दादा गाढे यांच्या पोल्ट्रीफॉम वर कामाला होता मात्र काही महिन्यांपूर्वी त्याने काम सौडून दुसरीकडे काम सुरू केले याचा राग मनात ठेवून दादा गाढे याने त्याच्या नातेवाईक व मित्रांना सोबत घेऊन फिरोजचे अपहरण केले व त्याला लाथ बुक्क्या व लाकडी दांडा तसेच बेल्टने अमानुष मारहाण केली याचा व्हिडीओ करून ठेवला मात्र हा व्हिडीओ सोशल मीडियावर व्हायरल करू नये यासाठी त्याच्या घरच्यांना दमदाटी करण्यात आली मात्र घरच्यांनी 112 ला फोन करून पोलिसांना सर्व प्रकार सांगितला.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.