तेहरान :
अमेरिका आणि इस्रायलने इराणवर केलेल्या हल्ल्यांचा सोमवारी (दि.2) तिसरा दिवस होता. अमेरिका-इस्रायलने इराणवर हल्ले सुरूच ठेवले आहेत. इराणचे सर्वोच्च नेते अयातुल्ला अली खामेनी यांच्या निधनानंतरही इराणने क्षेपणास्त्र हल्ले सुरूच ठेवले आहेत. इराणी रेड क्रेसेंट सोसायटीने सोमवारी सांगितलं की, इराणला लक्ष्य करून अमेरिका-इस्रायलने केलेल्या हवाई हल्ल्यात इराणमध्ये आतापर्यंत किमान 555 नागरिकांचा मृत्यू झाला,तसेच युद्धात आतापर्यंत 131 शहरांवर हल्ला केला आहे.
संयुक्त अरब अमिराती, कतार, सौदी अरेबिया, बहरीन आणि कुवेत यांसारख्या देशांमध्ये स्फोट झाल्याचे वृत्त आहे. त्यामुळे व्यापक संघर्षाची भीती निर्माण झाली आहे. दरम्यान, अमेरिका आणि इस्रायल इराणवर हल्ले करत आहेत. रुग्णालये, टीव्ही स्टेशन आणि इतर इमारतींना लक्ष्य करत आहेत, असे सोमवारी इराणी सरकारी टीव्हीने वृत्त दिले आहे. तसेच इराण सध्या 40 दिवसांचा राष्ट्रीय शोक आणि सात दिवसांची सुट्टी पाळत आहे.
दरम्यान, भारताचे पंतप्रधान नरेंद्र मोदी यांनी बहरीनचे राजे हमद बिन ईसा बिन सलमान अल खलिफा यांच्याशी चर्चा केली. याचबरोबर, त्यांनी सौदी अरेबियाचे क्राउन प्रिन्स आणि पंतप्रधान मोहम्मद बिन सलमान अल सौद यांच्याशीही चर्चा केली. पंतप्रधानांनी दोन्ही देशांवरील हल्ल्यांचा निषेध केला आणि दोन्ही देशांमधील भारतीय समुदायाच्या कल्याणाबाबत चर्चा
केली.
अमेरिकेने केलेल्या हल्ल्यात सर्वोच्च नेते अयातुल्ला अली खामेनी यांचा मृत्यू झाल्यानंतर इराणने सोमवारी इस्रायलवर क्षेपणास्त्रांचा हल्ला केल्याचे सरकारी टेलिव्हिजनने म्हटले आहे. ऑपरेशन ऑनेस्ट प्रॉमिस 4 ची 11 वी लाट बेरशेवा येथील लक्ष्यांवर क्षेपणास्त्र आणि ड्रोन हल्ल्यांसह सुरू आहे.
हजारो प्रवासी अडकले; अनेक उड्डाणे रद्द
अमेरिका आणि इस्रायलने इराणवर संयुक्त लष्करी कारवाई केल्यानंतर अनेक आखाती देशांनी सुरक्षिततेच्या कारणास्तव आपले हवाई क्षेत्र तात्पुरते बंद केले आहे. यामुळे देशातील प्रमुख विमानतळांसह मुंबई विमानतळावरील विमान उड्डाणे रद्द केली आहेत. इराण-इस्रायल युद्धामुळे जगभरातील हवाई वाहतुकीवर मोठा परिणाम झाला आहे. विमानांची वाहतूक कोलमडल्याने विमानतळांवर हजारो प्रवासी अडकले आहेत. मुंबईहून मक्का-मदीनाला उमरासाठी जाणारे प्रवासीही अडकले आहेत. याशिवाय अबू धाबी, बहरिन आणि इटलीला जाणारे प्रवासी खोळंबले आहेत. मुंबई बाहेरून आलेल्या प्रवाशांची सोय विमान कंपन्यांनी केली आहे. मुंबई विमानतळावरुन अमेरिका आणि युरोपला जाणारी उड्डाणे रद्द केली आहेत.
555 Iranians killed in US-Israeli attack
- कुबेर जाधव केंद्रीय लोकसेवा आयोगाचा निकाल जाहीर झाला आहे. जाहीर करण्यात रिझल्टनुसार, एकूण बसलेल्या…
- अशोक थोरात गैरकारभार, घोटाळे, अफरातफर, लाच घेणार्‍यांसाठी सीबीआय, ईडी, लाचलुचपत प्रतिबंधकसह काही संस्था देशात…
- आनंदा जाधव काही दशकांपूर्वी राज्यातील बहुसंख्य जिल्ह्यांत साखर कारखानदारी बहरली होती. मुबलक उसामुळे अगदी…
- प्रशांत पोतदार काही गोष्टींचं कारण आपल्याला कधीच कळत नाही. कुणीतरी मनापासून हसतं आणि आपल्यालाही…
- गोरख काळे गरीब कुटुंबातील महिलांना स्वावलंबी बनवण्याच्या उदात्त हेतूने नाशिक महापालिकेच्या महिला व बालकल्याण…
दिवाळी म्हणजे प्रकाशाचा उत्सव, आनंदाची उधळण, नात्यांमधील गोडवा आणि नव्या आशांचा जागर. घराघरांत दिवे लागतात,…