भाजपाच्या तिरंगा रॅलीत देशभक्तीचा महापूर

पावसातही नागरिकांचा उत्स्फूर्त प्रतिसाद

नाशिक ः प्रतिनिधी
भारतीय जवानांनी पाकिस्तानच्या आक्रमणाला दिलेल्या सडेतोड प्रत्युत्तरामुळे देशभरात देशभक्तीची लाट उसळली आहे. जवानांच्या या अतुलनीय आणि धाडसी कामगिरीबद्दल कृतज्ञता व्यक्त करण्यासाठी पंतप्रधानांच्या आवाहनावरून संपूर्ण देशात ‘तिरंगा रॅली’चे आयोजन करण्यात आले. नाशिकमध्येही या रॅलीला नागरिकांनी आणि कार्यकर्त्यांनी उत्स्फूर्त प्रतिसाद देत देशभक्तीचे अनोखे दर्शन घडवले.
नाशिकमधील ‘तिरंगा रॅली’ची सुरुवात पंचवटी कारंजा येथून करण्यात आली. प्रारंभी गोदावरी नदीच्या काठावर उपस्थित मान्यवरांनी गोदामातेची आरती करून तसेच वंदन करून देशाच्या सार्वभौमतेसाठी प्रार्थना केली.
ही रॅली पंचवटी कारंजा, रविवार कारंजा, मेन रोड, धुमाळ पॉइंट, हुतात्मा स्मारक येथे आणण्यात आली. देशाच्या जयजयकाराच्या घोषणांतून तिरंगा रॅली पार पडली.
या रॅलीत राज्याचे जलसंपदामंत्री गिरीश महाजन, माजी केंद्रीय मंत्री डॉ. भारती पवार, आमदार अ‍ॅड. राहुल ढिकले, आमदार प्रा. देवयानी फरांदे, आमदार सीमा हिरे, जिल्हाध्यक्ष, शहराध्यक्ष, मंडल अध्यक्ष तसेच भाजपचे पदाधिकारी, महिला कार्यकर्त्या व युवक मोठ्या संख्येने सहभागी झाले होते. रॅलीच्या समारोपस्थळी हुतात्मा स्मारकाजवळ नेत्यांनी उपस्थित जनतेला मार्गदर्शन केले.
जलसंपदामंत्री गिरीश महाजन यांनी सांगितले की, भारतीय जवानांनी दाखवलेल्या शौर्यामुळे संपूर्ण देशाला अभिमान वाटतो आहे. नाशिककरांनी या तिरंगा रॅलीत उत्स्फूर्त सहभाग नोंदवून राष्ट्रप्रेमाची जाणीव अधोरेखित केली आहे.
पावसाळी वातावरणामुळे रॅलीला काहीसा विलंब झाला, तरीही पावसाच्या सरींसह तिरंगा हाती घेऊन नागरिकांनी रॅलीत भाग घेतला. माजी सैनिकांसह एनएसएसचे विद्यार्थी, महाविद्यालयीन तरुण आणि भारतीय जनता पक्षाचे कार्यकर्ते रॅलीमध्ये सक्रियपणे सहभागी झाले होते.
या रॅलीदरम्यान भारत माता की जय, वंदे मातरम्, जय जवान, जय किसान अशा घोषणांनी वातावरण देशभक्तीने भारावून गेले होते. अनेकांनी तिरंगा अंगावर परिधान केला होता, तर काहींनी फेटे बांधून सहभाग नोंदवला.

Editorial Team

Recent Posts

सिन्नर-नाशिक एसटी भाड्याचा घोळ

सिन्नर : प्रतिनिधी सिन्नर-नाशिक एसटी प्रवासात भाडे आकारणीचा गोंधळ पुन्हा ऐरणीवर आला आहे. एकाच दिवशी…

7 minutes ago

हिवाळी फॅशन टिप्स

1. लेअरिंगचा ट्रेंड : टी-शर्टवर शर्ट किंवा जॅकेट घालून स्टायलिश लूक मिळवा. 2. हुडीला पसंती…

23 minutes ago

स्वतःची फॅशन ओळख

आरशासमोर उभं राहणं म्हणजे फक्त चेहरा बघणं नाही, तर स्वतःला समजून घेण्याचा एक खास क्षण…

34 minutes ago

तुळशी विवाह : एक आरोग्यदायी प्रथा!

भारतात कार्तिक शुद्ध एकादशी ते कार्तिक पौर्णिमा या कालावधीत घरोघरी तुळशी विवाह लावण्याचा प्रघात आहे.…

49 minutes ago

बूमरँग

काँग्रेसच्या नेत्या सोनिया गांधी यांच्या ‘बिलॉन्गिंग : अ जर्नी ऑफ लव्ह’ या पुस्तकाची देशविदेशात चर्चा…

56 minutes ago

नाशिककरांची पसंती गिधाडालाच

1,995 मतांसह ठरले शहराचे पक्षी मानचिन्ह नाशिक : प्रतिनिधी नाशिक शहराचे पक्षी मानचिन्ह निवडण्यासाठी घेण्यात…

1 hour ago