अंबड लिंकरोडवर चौघांनी केली मारहाण
सिडको : प्रतिनिधी
वाहन बाजूला घेण्याच्या कारणावरून झालेल्या वादातून अशोक लेलँड गाडीवरील चालकासह चौघांनी एका व्यक्तीला मारहाण करून धारदार शस्त्राने गंभीर जखमी केल्याची घटना अंबड लिंकरोडवरील आझादनगर परिसरात घडली. यावेळी संशयितांनी फायटरने चेहर्यावर मारहाण केली. तसेच पोलिसांत तक्रार केल्यास जिवे मारण्याची धमकी दिली. याप्रकरणी अंबड पोलीस ठाण्यात चौघांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, 18 नोव्हेंबर रोजी सायंकाळी साडेसहाच्या सुमारास प्लॉट क्रमांक 40, गट क्रमांक 24/ओ, आझादनगर, अंबड लिंकरोड येथे हा प्रकार घडला. अझरुद्दीन ऐसामोद्दीन शेख यांचा अशोक लेलँड गाडी(एमएच 15 केएस 5388)वरील चालक आणि त्याच्या तीन साथीदारांशी वाहन बाजूला घेण्याच्या कारणावरून वाद झाला.
या वादातून चौघांनी संगनमत करून अझरुद्दीन यांना शिवीगाळ केली आणि वाहनातून खाली ओढले. त्यानंतर दोघांनी त्यांचे हात मागे पकडले, तर तिसर्या संशयिताने फायटरने त्यांच्या चेहर्यावर मारहाण केली. याचवेळी वाहनचालकाने हातातील धारदार शस्त्राने त्यांच्या नाकावर आणि कपाळावर वार करून गंभीर जखमी केले. तसेच पोलिसांत तक्रार केल्यास जिवे मारण्याची धमकी दिल्याचे फिर्यादीत नमूद आहे. याप्रकरणी जखमीचा भाऊ शोएब ऐसामोद्दीन शेख (वय 39, रा. इंदिरानगर) यांच्या फिर्यादीवरून अंबड पोलीस ठाण्यात गुन्हा दाखल करण्यात आला आहे. पोलीस उपनिरीक्षक भांडे पुढील तपास करीत आहेत.
Assault following a dispute over moving a vehicle aside
ऊसतोड कामगारांचे हाल; बागांवर भुरी रोगाचा प्रादुर्भाव शक्य निफाड : तालुका प्रतिनिधी उन्हाच्या तीव्रतेनंतर अवघ्या…
नाशिक : प्रतिनिधी जिल्ह्यात ग्रामपंचायत क्षेत्रात 1,159, तर मालेगाव महापालिका क्षेत्रात 18 ठिकाणी नवीन आपले…
पंचवटी : प्रतिनिधी प्रादेशिक परिवहन कार्यालय, नाशिक येथे दुचाकी वाहनांसाठी (एमएच 15-एलडी) ही नवीन मालिका…
चाकूहल्ल्यात विक्रेता जखमी सिडको : प्रतिनिधी म्हसरूळ परिसरातील मेहेरधाम बसथांब्याजवळ फळविक्रीचा व्यवसाय सुरू ठेवण्यासाठी दोघांनी…
पूवर्र्वैमनस्यातून हल्ला झाल्याचा प्राथमिक अंदाज पंचवटी : प्रतिनिधी शहरातील पंचवटी परिसरात गुन्हेगारीच्या घटनांनी पुन्हा डोके…
सर्व मंत्र्यांसोबत साडेतीन तास मंथनानंतर मोदी-शहा-नितीन नवीन यांच्यात दीड तास बैठक नवी दिल्ली । प्रतिनिधी…