नाशिक

जिल्हात 1,177 ठिकाणी होणार नविन आपले सरकार सेवा केंद्रे

नाशिक : प्रतिनिधी
जिल्ह्यात ग्रामपंचायत क्षेत्रात 1,159, तर मालेगाव महापालिका क्षेत्रात 18 ठिकाणी नवीन आपले सरकार सेवा केंद्र सुरू करण्यात येणार आहेत. यासाठी जिल्हाधिकारी कार्यालयाच्या सेतू शाखेने इच्छुकांकडून अर्ज मागविले आहेत. 18 नोव्हेंबरपासून अर्ज स्वीकारण्यास सुरुवात झाली असून, 17 डिसेंबर 2026 रोजी सायंकाळी सहापर्यंत संबंधित तहसील कार्यालयात अर्ज सादर करता
येणार आहेत.
शासनाच्या 27 मार्च 2025 च्या निर्णयानुसार 2011 च्या जनगणनेतील लोकसंख्येच्या आधारे आपले सरकार सेवा केंद्रांची संख्या निश्चित करण्यात आली आहे. ग्रामपंचायत व नगरपंचायत क्षेत्रात पाच हजार लोकसंख्येपर्यंत दोन केंद्रे, तर पाच हजारांपेक्षा अधिक लोकसंख्या असल्यास चार केंद्रे निश्चित करण्यात आली आहेत. नगर परिषद आणि महापालिका क्षेत्रात प्रत्येक दहा हजार लोकसंख्येमागे दोन केंद्रे निश्चित करण्यात आली आहेत. या निकषांनुसार सध्या कार्यरत केंद्रांची संख्या वजा करून रिक्त जागा निश्चित करण्यात आल्या आहेत. अर्ज सादर करण्याची मुदत संपल्यानंतर 18 ते 28 डिसेंबरदरम्यान तहसील कार्यालयांकडून अर्जांची छाननी करून तपासणी सूचीसह प्रस्ताव जिल्हाधिकारी कार्यालयाच्या सेतू शाखेकडे पाठविण्यात येणार आहेत. प्राप्त अर्जांची माहिती 1 जानेवारी 2027 रोजी जिल्हा संकेतस्थळावर प्रसिद्ध केली जाईल. त्यानंतर 8 जानेवारीला पात्र व अपात्र अर्जदारांची प्रारूप यादी आणि गुणवत्तायादी प्रसिद्ध करण्यात येणार आहे. या यादीवर 8 ते 13 जानेवारीदरम्यान हरकती मागविण्यात येतील.
दरम्यान, रिक्त जागांच्या तुलनेत अधिक अर्ज प्राप्त झाल्यास पात्र अर्जदारांच्या मुलाखती घेतल्या जाणार आहेत.

तालुकानिहाय केंद्रे
बागलाण-99, चांदवड-61, देवळा-29, मालेगाव-94, नांदगाव-68, निफाड-100, येवला-71, नाशिक-54, सिन्नर-87, कळवण-77, दिंडोरी-97, पेठ-64, सुरगाणा-78, इगतपुरी-64, त्र्यंबकेश्वर-76, मालेगाव शहर- 18. एकूण : 1,177

अर्ज प्रक्रियेचे वेळापत्रक
तपशील                                        तारीख
जाहिरात प्रसिद्ध                   17 नोव्हेंबर 2026
अर्ज स्वीकारणे                    18 नोव्हें. ते 17 डिसें. 2026
अर्जांची छाननी                   18 ते 28 डिसेंबर 2026
प्राप्त अर्जांची माहिती         1 जानेवारी 2027
प्रारूप पात्र-अपात्र यादी       8 जानेवारी 2027
हरकती दाखल करणे          8 ते 13 जानेवारी 2027

 

 

New ‘Aaple Sarkar’ Service Centres to be set up at 1,177 locations in the district

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

निफाडचा पारा 6.5 अंशांवर; द्राक्षबागांवर संकट

ऊसतोड कामगारांचे हाल; बागांवर भुरी रोगाचा प्रादुर्भाव शक्य निफाड : तालुका प्रतिनिधी उन्हाच्या तीव्रतेनंतर अवघ्या…

9 minutes ago

गाडी बाजूला घेण्याच्या वादातून एकावर हल्ला

अंबड लिंकरोडवर चौघांनी केली मारहाण सिडको : प्रतिनिधी वाहन बाजूला घेण्याच्या कारणावरून झालेल्या वादातून अशोक…

33 minutes ago

दुचाकी वाहनांसाठी सोमवारपासून आरटीओत नवीन मालिका

पंचवटी : प्रतिनिधी प्रादेशिक परिवहन कार्यालय, नाशिक येथे दुचाकी वाहनांसाठी (एमएच 15-एलडी) ही नवीन मालिका…

36 minutes ago

फळविक्रीचा गाडा सुरू ठेवण्यासाठी मागितली खंडणी

चाकूहल्ल्यात विक्रेता जखमी सिडको : प्रतिनिधी म्हसरूळ परिसरातील मेहेरधाम बसथांब्याजवळ फळविक्रीचा व्यवसाय सुरू ठेवण्यासाठी दोघांनी…

1 hour ago

पंचवटीत महाविद्यालयीन युवकाची निघृण हत्या

पूवर्र्वैमनस्यातून हल्ला झाल्याचा प्राथमिक अंदाज पंचवटी : प्रतिनिधी शहरातील पंचवटी परिसरात गुन्हेगारीच्या घटनांनी पुन्हा डोके…

1 hour ago

पंजाबच्या निर्णयाअभावी रखडला केंद्रीय मंत्रिमंडळ विस्तार?

सर्व मंत्र्यांसोबत साडेतीन तास मंथनानंतर मोदी-शहा-नितीन नवीन यांच्यात दीड तास बैठक नवी दिल्ली । प्रतिनिधी…

1 hour ago