नाशिक

’स्वीकृत’च्या वादात भाजपा शहराध्यक्षांची विकेट!

सुनील केदार यांचा राजीनामा घेतल्याचे वृत्त; प्रदेशाध्यक्ष रवींद्र चव्हाण यांची कारवाई; पक्षशिस्तभंगाचा ठपका

नाशिक : प्रतिनिधी
महापालिकेतील स्वीकृत नगरसेवकांच्या निवडीवरून भाजपमध्ये सुरू असलेल्या अंतर्गत वादाचा फटका अखेर शहराध्यक्ष सुनील केदार यांना बसल्याचे वृत्त आहे. पक्षाच्या वरिष्ठ नेतृत्वाला विश्वासात न घेता स्वीकृत नगरसेवकांची नावे परस्पर निश्चित केल्याचा ठपका ठेवत प्रदेशाध्यक्ष रवींद्र चव्हाण यांनी केदार यांच्याकडून शहराध्यक्षपदाचा राजीनामा घेतल्याची माहिती समोर आली आहे. मात्र, या कारवाईला पक्षाकडून अधिकृत दुजोरा मिळालेला नसल्याने राजीनाम्याबाबत संभ्रम कायम आहे.
महापालिकेच्या शुक्रवारी (दि. 20) झालेल्या महासभेत दहा स्वीकृत नगरसेवकांच्या नियुक्तीची घोषणा करण्यात आली. त्यात भाजपच्या सहा, तर शिवसेनेच्या शिंदे आणि ठाकरे गटाच्या प्रत्येकी दोन सदस्यांचा समावेश आहे. भाजपकडून अजित चव्हाण, हेमंत धात्रक, संदीप लेनकर, रोहिणी नायडू, रामहरी संभेराव आणि चंद्रशेखर पंचाक्षरी यांना संधी देण्यात आली. मात्र, या निवडीवरून पक्षातील नाराजी उफाळून आली.
भाजपच्या सहा जागांसाठी तब्बल तीनशेहून अधिक इच्छुक होते. अंतिम यादीत अनपेक्षित नावे आल्याने संधी हुकलेल्या काही इच्छुकांनी थेट प्रदेशाध्यक्षांकडे तक्रारी केल्या. स्वीकृत नगरसेवकपदासाठी सुचविलेल्या नावांची अधिकृत यादी प्रदेश नेतृत्वापर्यंत पोहोचविण्यात आली नसल्याचाही आरोप झाला.
या पार्श्वभूमीवर प्रदेशाध्यक्ष चव्हाण यांनी केदार यांना मुंबईत बोलावून पक्षशिस्तीचे पालन न केल्याबद्दल जाब विचारल्याचे आणि त्यांचा राजीनामा घेतल्याचे वृत्त आहे.
महापालिका निवडणुकीपासूनच भाजपमधील अंतर्गत मतभेद
चर्चेत आहेत. निवडणुकीवेळी एबी फॉर्मच्या वाटपावरून झालेला गोंधळ, इच्छुकांकडून केदार यांच्या वाहनाचा पाठलाग आणि त्यानंतर स्वीकृत नगरसेवकांच्या सातव्या जागेसाठी झालेल्या राजकीय हालचालींमुळे पक्षातील नाराजी वाढली होती. काँग्रेसच्या मदतीने अतिरिक्त जागा मिळविण्याचा प्रयत्नही निष्फळ ठरला. त्यातच स्वीकृतच्या अंतिम यादीवरून नव्या वादाला तोंड फुटले. दरम्यान, राजीनाम्याच्या वृत्ताबाबत केदार यांनी वरिष्ठ पातळीवरून प्रतिक्रिया न देण्याच्या सूचना असल्याचे सांगितले.

पक्षात फेरबदलाचे संकेत
भारतीय जनता पक्षाच्या नाशिक शहराध्यक्षपदाच्या राजीनाम्यावरून राजकीय वर्तुळात विविध चर्चांना उधाण आले असले, तरी याबाबत अद्याप कोणतीही अधिकृत घोषणा किंवा पत्र समोर आलेले नाही. मात्र, स्वीकृत सदस्य निवडीवरून निर्माण झालेल्या मतभेदानंतर पक्षात मोठे फेरबदल होण्याचे संकेत मिळत आहेत. प्रदेश सरचिटणीस माधवी नाईक यांनी नुकतीच नाशिकमध्ये कोअर कमिटीची बैठक घेऊन आढावा घेतला आहे. पक्षातील अंतर्गत सूत्रांनुसार, येत्या काही दिवसांत नव्या शहराध्यक्षांची नियुक्ती करून हा बदल केला जाऊ शकतो. या पदासाठी अनिल भालेराव आणि सुनील देसाई यांच्या नावांची जोरदार चर्चा सुरू आहे.

BJP city president loses his position amidst the ‘nominated member’ controversy!

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

फळविक्रीचा गाडा सुरू ठेवण्यासाठी मागितली खंडणी

चाकूहल्ल्यात विक्रेता जखमी सिडको : प्रतिनिधी म्हसरूळ परिसरातील मेहेरधाम बसथांब्याजवळ फळविक्रीचा व्यवसाय सुरू ठेवण्यासाठी दोघांनी…

20 minutes ago

पंचवटीत महाविद्यालयीन युवकाची निघृण हत्या

पूवर्र्वैमनस्यातून हल्ला झाल्याचा प्राथमिक अंदाज पंचवटी : प्रतिनिधी शहरातील पंचवटी परिसरात गुन्हेगारीच्या घटनांनी पुन्हा डोके…

24 minutes ago

पंजाबच्या निर्णयाअभावी रखडला केंद्रीय मंत्रिमंडळ विस्तार?

सर्व मंत्र्यांसोबत साडेतीन तास मंथनानंतर मोदी-शहा-नितीन नवीन यांच्यात दीड तास बैठक नवी दिल्ली । प्रतिनिधी…

38 minutes ago

प्रशिक्षणासाठी जाणार्‍या प्राध्यापकाचा हृदयविकाराने मृत्यू

रुग्णालयातून परतणार्‍या सहकार्‍यांचाही अपघात नांदगाव : प्रतिनिधी वरिष्ठ निवड श्रेणी प्रशिक्षणासाठी येणार्‍या प्राध्यापकाचा हृदयविकारा-च्या तीव्र…

51 minutes ago

कार्तिकी यात्रेसाठी पंढरी गजबजली

चार लाख भाविकांची मांदियाळी; उपमुख्यमंत्री शिंदे करणार महापूजा सोलापूर : सूर्यकांत आसबे दक्षिण काशी म्हणून…

59 minutes ago

मक्तेदारीमुळे नोकर्‍या नाहीत, महागाई वाढतेय!

फिक्कीतील भाषणावरून राहुल गांधींचा मोदी सरकारवर हल्लाबोल नवी दिल्ली : प्रतिनिधी पंतप्रधान नरेंद्र मोदी यांनी…

1 hour ago