दिंडोरीत अवकाळीचा तडाखा

दिंडोरी : प्रतिनिधी
तालुक्यातील मडकीजांब,रासेगाव, उमराळे,जांबुटके, निळवंडी या गावांना वादळी वार्‍यासह झालेल्या अवकाळी पावसाने झोडपून काढले. पावसामुळे द्राक्ष,गहु, कांदा आदींसह शेतीमालाचे नुकसान झाले आहे. अचानक वादळी वा-यासह आलेल्या पावसामुळे शेतकर्‍यांची तारांबळ उडाली. वादळामुळे निळवंडी येथे भोपळ्याचा बाग कोलमडून पडला. अनेक ठिकाणी झाडे उन्मळून पडली. विजेचे खांब पडल्याने मडकिजांब, इंदोरे या गावातील विद्युत पुरवठा खंडित झाल्याने गावातील नागरिकांचा पिण्याच्या पाण्याचा प्रश्न निर्माण झाला आहे.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.