मुंबई :
गेल्या काही दिवसापासून शिवसेनेचे ज्येष्ठ नेते एकनाथ शिंदे नाराज असल्याची चर्चा आहे.त्यातच काल झालेल्या विधानपरिषद निवडणुकीत विरोधी पक्षनेते देवेंद्र फडणवीस यांनी सरकारमधील पक्षांची मते फोडत मविआ सरकारला चेकमेट केले.याच पार्श्वभूमीवर शिवसेनेत नाराजी असल्याची चर्चा आहे.तर निवडणुकीनंतर एकनाथ शिंदे नाॅट रिचेबल असल्याचेही सांगण्यात आले. मात्र आता एकनाथ शिंदे नाराज असल्याचा बातमीला दुजोरा मिळत आहे. आज योग दिनी निमित्त त्यांनी आपल्या ऑफिशियल फेसबुक अकाऊंटवर योग दिनाच्या शुभेच्छा देणारी पोस्ट शेअर केली.मात्र या पोस्ट मध्ये शिवसेनेच्या कोणत्याही नेत्याचा फोटो नाही.ना त्यात शिवसेना लोगो आहे. त्यामुळे एकनाथ शिंदे नाराज असल्याचे बोलले जात आहे.
