आरोपीचा शोध घेण्याचे पोलिसांसमोर आव्हान
दिंडोरी/वणी : प्रतिनिधी
तालुक्यातील लखमापूर येथे सत्तरवर्षीय वृद्ध महिलेचा संशयास्पद परिस्थितीत खून झाल्याची धक्कादायक घटना उघडकीस आली आहे. या घटनेमुळे परिसरात खळबळ उडाली आहे. अज्ञात आरोपीचा शोध घेण्याचे मोठे आव्हान वणी पोलिसांसमोर उभे राहिले आहे.
मंदाकिनी हरिभाऊ सोनवणे (वय 70, रा. लखमापूर, ता. दिंडोरी) असे मृत महिलेचे नाव आहे. 4 सप्टेंबरला सायंकाळी लखमापूर गावातील घराजवळील परिसरात त्यांचा मृतदेह आढळून आला. अज्ञात व्यक्तीने या वृद्ध महिलेच्या तोंडावर कापड बांधून, हातपाय बांधून तिला पाण्यात टाकून हत्या केल्याचे पोलीस तक्रारीत नमूद केले आहे. याप्रकरणी वणी पोलीस ठाण्यात भारतीय न्याय संहितेच्या अज्ञात आरोपीविरुद्ध खुनाचा गुन्हा दाखल करण्यात आला आहे. या घटनेची माहिती मिळताच उपविभागीय पोलीस अधिकारी ब्रह्मदेव शेलके व सहाय्यक पोलीस निरीक्षक हेमंत फड यांनी घटनास्थळी भेट देऊन तपासाची चक्रे वेगाने फिरवली आहेत. वृद्ध महिलेचा खून नेमका कोणत्या कारणातून झाला, यामागे कोणाचा हात आहे, हे अद्याप स्पष्ट झालेले नाही. पोलीस विविध मार्गाने तपास करत असून संशयितांचा शोध घेतला जात आहे. दरम्यान, या धक्कादायक घटनेमुळे लखमापूरसह परिसरात भीतीचे वातावरण पसरले असून, पोलिसांनी आरोपीला तातडीने जेरबंद करून खुनाचा उलगडा करावा, अशी मागणी होत आहे.
Elderly woman murdered in Lakhmapur; hands and feet tied before being thrown into water.
पालकमंत्री महाजनांसह महापौर आडके मोहिमेत सहभागी नाशिक : प्रतिनिधी स्वच्छता ही सेवा अभियानांतर्गत विशेष स्वच्छता…
तीन तास पालकमंत्र्यांची प्रतीक्षा; भूसंपादन दरावरून आक्रमक भूमिका नाशिक : प्रतिनिधी रिंगरोड भूसंपादनामुळे बाधित शेतकरी…
ई-फायर सॉफ्टवेअरची अंमलबजावणी नाशिक : प्रतिनिधी नाशिक महापालिकेच्या अग्निशमन विभागातील सर्व सेवांचे डिजिटायझेशनचे काम केले…
अमेरिकेत करणार देशाचे प्रतिनिधित्व, राज्यातून एकमेव खासदार नाशिक : प्रतिनिधी नाशिक लोकसभा मतदारसंघाचे खासदार राजाभाऊ…
महात्मा गांधी जयंतीनिमित्त नगरपालिकेतर्फे सेवा संकल्प अभियान इगतपुरी : प्रतिनिधी राष्ट्रपिता महात्मा गांधी यांच्या जयंतीनिमित्त…
विहिरीत पाणी असूनही विजेविना पिके करपण्याच्या मार्गावर दिक्षी : वार्ताहर पावसाने दीर्घ खंड दिल्याने खरीप…