नाशिक

कुंभमेळा प्राधिकरणाच्या नावाने बनावट इन्स्टाग्राम खाते

सायबर पोलिसांकडून गुन्हा दाखल

सिडको : प्रतिनिधी
सिंहस्थ कुंभमेळ्याच्या पार्श्वभूमीवर कुंभमेळा प्राधिकरणाचे अधिकृत खाते असल्याचे भासवून नागरिकांची दिशाभूल करणारे बनावट इन्स्टाग्राम खाते तयार केल्याचा प्रकार उघडकीस आला आहे. याप्रकरणी नाशिक शहर सायबर पोलिसांनी अज्ञात खातेधारकाविरुद्ध गुन्हा दाखल केला आहे.
नाशिक शहर सायबर पोलिसांचे पथक सोशल मीडियावरील संशयास्पद हालचालींवर लक्ष ठेवून असताना इन्स्टाग्रामवर खाते आढळले. या खात्यावरून सिंहस्थ कुंभमेळ्याशी संबंधित कार्यक्रमांचे व्हिडिओ आणि पोस्ट प्रसारित केले जात होते.
या खात्याची पाहणी केली असता, ते सिंहस्थ कुंभमेळा प्राधिकरण, नाशिक या शासकीय कार्यालयाचे अधिकृत खाते असल्याचा भास निर्माण करून नागरिकांची दिशाभूल केली जात असल्याचे निदर्शनास आले. त्यानंतर सायबर पोलिसांनी संबंधित खातेधारकाविरुद्ध सायबर पोलीस ठाण्यात गुन्हा दाखल केला आहे.
या प्रकरणाचा पुढील तपास सुरू आहे. दरम्यान, सिंहस्थ कुंभमेळा तसेच शासकीय योजना आणि कार्यक्रमांची माहिती घेताना नागरिकांनी केवळ शासनाच्या अधिकृत संकेतस्थळांचा आणि प्रमाणित समाजमाध्यम खात्यांचाच वापर करावा. बनावट किंवा संशयास्पद खाते आढळल्यास नाशिक शहर सायबर पोलीस ठाणे किंवा पोलीस आयुक्तालयाच्या व्हॉट्सअ‍ॅप क्रमांक 9923323311 अथवा 112 या क्रमांकावर संपर्क साधावा, असे आवाहन पोलिसांनी केले आहे.

 

Fake Instagram account created in the name of the Kumbh Mela Authority

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

दिवे उजळले, पण श्वास कोंडला!

- अश्विनी पांडे निसर्गाची मुक्त उधळण, आल्हाददायी हवामान, हिरवळ आणि तुलनेने शुद्ध हवा ही नाशिकची…

15 hours ago

सभागृहातील सत्तेच्या विकेंद्रीकरणाला ‘ब्रेक’!

- गोरख काळे येत्या महासभेत स्वीकृत नगरसेवकांच्या नियुक्तीचा सोपस्कार पार पडणार असून, महापौर हिमगौरी आहेर-आडके…

15 hours ago

‘धरती आबा’ बिरसा मुंडा

अन्यायाविरुद्ध पेटलेला स्वाभिमानाचा अग्निकुंड! - ग्रीष्मा नागमोती ज्या भूमीवर पिढ्यान्पिढ्या वास्तव्य केले, ज्या जंगलांनी जगण्याचा…

15 hours ago

संकटातून संधीकडे…

दुष्काळावर मात करणारा जलसंधारणाचा ’पेठ पॅटर्न’ - देवयानी सोनार यंदा पावसाची अवकृपा झाल्याने नाशिक जिल्ह्यातील…

16 hours ago

दिवाळीतील एक्यूआय समजून घेऊया…

सध्या एक्यूआय अर्थातच ’एअर क्लॉलिटी इंडेक्स’ आणि त्यावरील आकडेमोड मीडियातील सर्वांत महत्त्वाची बातमी बनवून राहिली…

16 hours ago

इस्रायली सत्तासंघर्ष

आशिया खंडातील पश्चिम भागात असलेला इस्रायल हा एक छोटा देश आहे. पॅलेस्टाइनवरील ब्रिटिश राजवट संपुष्टात…

16 hours ago