नाशिक

रिंगरोडविरोधात बाधित शेतकर्‍यांची एमएसआयडीसी अधिकार्‍यांसोबत मुंबईत बैठक

सिडको : प्रतिनिधी
प्रस्तावित नाशिक रिंगरोडसाठी गौळाणे आणि आंबेबहुला परिसरातील शेतजमिनी बाधित होत असल्याने प्रकल्पग्रस्त शेतकर्‍यांनी सोमवारी मुंबईतील एमएसआयडीसी कार्यालयात धडक देत अधिकार्‍यांसमोर आपल्या विविध मागण्या मांडल्या. भूसंपादन प्रक्रियेत उच्च न्यायालयाच्या आदेशांचे पालन झाले नसल्याचा आरोप शेतकर्‍यांनी यावेळी केला.
प्रकल्पग्रस्त शेतकरी संघटनेचे अध्यक्ष साहेबराव दातीर यांच्या मार्गदर्शनाखाली बाधित शेतकर्‍यांनी मुंबईतील बक्तावर बिल्डिंग, नरिमन पॉईंट येथील एमएसआयडीसी कार्यालयात मुख्य अभियंता रणजीत हांडे आणि सहव्यवस्थापक गिरीश जोशी यांची भेट घेतली. रिंगरोड प्रकल्पासंदर्भात वरिष्ठ अधिकार्‍यांसोबत बैठक घेऊन शेतकर्‍यांच्या अडचणी व प्रश्नांवर चर्चा करण्यात आली.
सन 2013 च्या भूसंपादन कायद्यानुसार प्रक्रिया राबवावी, उच्च न्यायालयाच्या आदेशांची अंमलबजावणी करावी, रिंगरोडशी संबंधित सर्व कागदपत्रे बाधित शेतकर्‍यांना उपलब्ध करून द्यावीत, तसेच प्रकल्पाच्या तांत्रिक बाबींबाबत सविस्तर माहिती द्यावी, अशा मागण्या शेतकर्‍यांनी केल्या. यावेळी एसआयटी अहवालाबाबतही अधिकार्‍यांकडे विचारणा करण्यात आली. हा अहवाल जिल्हा प्रशासनाशी संबंधित असल्याचे अधिकार्‍यांकडून सांगण्यात आल्याचे शेतकर्‍यांनी नमूद केले. भूसंपादन प्रक्रिया, रिंगरोडची तांत्रिक माहिती आणि उपलब्ध कागदपत्रांवरही बैठकीत चर्चा झाली. त्यानंतर काही कागदपत्रे शेतकर्‍यांना देण्यात आल्याची माहिती देण्यात आली.
दरम्यान, वारंवार मागणी करूनही बैठकीसाठी वेळ दिला जात नसल्याची तक्रार शेतकर्‍यांनी केली. बैठकीनंतरही समाधान झाले नसल्याचे सांगत रिंगरोड प्रकल्पाला विरोध कायम ठेवण्याचा निर्धार शेतकर्‍यांनी व्यक्त केला. मागण्यांकडे गांभीर्याने लक्ष न दिल्यास दिल्लीतील जंतर-मंतर येथे आंदोलन करण्याचा इशारा एमएसआयडीसी अधिकार्‍यांना देण्यात आला. या आंदोलनात दौलत चुंबळे, संजय चुंबळे, संतोष शहाणे, दत्तू थापेकर, सुरेश देशमुख, रमेश गडकरी, त्र्यंबक चुंबळे, राजाराम चुंबळे, ओमकार देशमुख, संजय चव्हाण यांच्यासह गौळाणे व आंबेबहुला परिसरातील बाधित शेतकरी सहभागी झाले होते.

चर्चेनंतरही शेतकर्‍यांचे समाधान नाही

एमएसआयडीसी अधिकार्‍यांसोबत झालेल्या चर्चेत अनेक मुद्दे मांडले. मात्र, या चर्चेतून आमचे समाधान झालेले नाही. त्यामुळे मागण्यांची दखल न घेतल्यास पुढील आंदोलन दिल्लीतील जंतर-मंतर येथे करण्यात येईल.
– साहेबराव दातीर, अध्यक्ष, प्रकल्पग्रस्त शेतकरी संघटना

Farmers affected by the Ring Road project hold a meeting with MSIDC officials in Mumbai.

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

18 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago