नाशिक

ब्राह्मणगावची महिला तलाठी दहा हजारांची लाच घेताना जाळ्यात

नाशिक : प्रतिनिधी
सातबारा उतार्‍यावर असलेला कर्जाचा बोजा कमी करणे व वारस नोंदीत दुरुस्ती करण्याच्या मोबदल्यात दहा हजारांची लाच घेताना ब्राह्मणगाव (ता. बागलाण) येथील तलाठी मनीषा नारायण बाविस्कर (वय 36) यांना लाचलुचपत प्रतिबंधक विभागाने मंगळवारी (दि. 9) सटाणा तहसील कार्यालयात रंगेहाथ पकडले.
याप्रकरणी सटाणा पोलीस ठाण्यात भ्रष्टाचार प्रतिबंधक कायद्यान्वये गुन्हा दाखल करण्याची प्रक्रिया सुरू आहे.
तक्रारदाराच्या मौजे ब्राह्मणगाव येथील शेत गट क्रमांक 824 वर भाऊसाहेब हिरे विविध कार्यकारी सहकारी सेवा संस्था, ब्राह्मणगाव यांचा चार लाख रुपयांचा कर्जाचा बोजा होता. कर्जमाफीअंतर्गत तो कमी झाला नव्हता. तसेच वारस नोंदीवेळी चुकीने नमूद झालेले नाव कागदोपत्री दुरुस्त करण्यासाठी तक्रारदारांनी अर्ज केला
होता.
हे काम करून देण्यासाठी तलाठी मनीषा बाविस्कर यांनी स्वतःसह मंडळ अधिकार्‍यांसाठी 10 हजार रुपयांची लाच मागितल्याची तक्रार एसीबीकडे करण्यात आली होती. त्यानंतर 27 एप्रिल रोजी पडताळणीदरम्यान बाविस्कर यांनी सटाणा येथील जिजामाता मराठा हायस्कूलमध्ये जनगणना प्रशिक्षणावेळी तसेच तहसील कार्यालयात लाचेची मागणी करून ती स्वीकारण्याचे मान्य केल्याचे निष्पन्न झाले. मात्र, मंडळ अधिकार्‍यांनी लाचेची मागणी केल्याचे आढळले नाही.यानंतर मंगळवारी एसीबीने सापळा रचला. सटाणा तहसील कार्यालयात तक्रारदारांकडून 10 हजार रुपयांची लाच पंचांसमक्ष स्वीकारताना बाविस्कर यांना रंगेहात पकडण्यात आले. ही कारवाई पोलीस उपअधीक्षक स्वाती पवार यांच्या मार्गदर्शनाखाली करण्यात आली. पथकात पोलीस हवालदार शरद हेंबाडे, युवराज खांडवी व चालक पोलीस हवालदार विनोद पवार यांचा समावेश होता. पुढील तपास पोलीस निरीक्षक रूपाली खांडवी करीत आहेत.

Female Talathi of Brahmangaon caught red-handed while accepting a bribe of ₹10,000.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

20 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

21 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

21 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

21 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

21 hours ago