नाशिक

पितृपंधरवड्यात कुशावर्त घाट बंद

भाविकांच्या श्रद्धेला ठेच पोहोचल्याची भावना
त्र्यंबकेश्वर : प्रतिनिधी
गोदावरीचे उगमस्थान असलेल्या त्र्यंबकेश्वर येथील ऐतिहासिक कुशावर्त घाट पुढील एक महिना बंद ठेवण्याचा प्रशासनाचा निर्णय वादग्रस्त ठरला आहे. पितृपंधरवड्यातच घाट बंद ठेवल्याने देश-विदेशातून श्राद्धविधीसाठी आलेल्या भाविकांच्या श्रद्धेला मोठा धक्का बसला आहे. राज्य पुरातत्त्व विभागामार्फत कुशावर्त घाट आणि परिसर संवर्धनाचे काम गेल्या वर्षभरापासून सुरू आहे. हे काम संथगतीने सुरू असतानाच अचानक ध्वजारोहणाचे कारण पुढे करत प्रशासनाने कुशावर्त घाट बंद ठेवण्याचा निर्णय घेतला. घाट कोरडाठाक करून भाविकांना स्नानापासून वंचित ठेवल्यामुळे सर्वसामान्यांमध्ये तीव्र नाराजी व्यक्त होत आहे. कुशावर्त घाटावर स्नान केल्याने पापक्षालन होते आणि पुण्य मिळते, अशी भाविकांची श्रद्धा आहे. प्रभू श्रीरामाने येथे पिता दशरथ यांचे पिंडदान केले होते, अशी पौराणिक मान्यता आहे. यामुळेच पितृपक्षात नारायण नागबली, त्रिपिंडी श्राद्ध आणि पिंडदान करण्यासाठी देश-विदेशातून हजारो भाविक त्र्यंबकेश्वरला येतात. मात्र, ऐन पितृपक्षात घाट बंद ठेवल्याने आधीच नियोजन व बुकिंग करून आलेल्या भाविकांसमोर मोठा प्रश्न निर्माण झाला आहे. हा प्रश्न केवळ आर्थिक उलाढालीचा नसून भाविकांच्या श्रद्धेचा आहे.

Kushavarta Ghat closed during Pitru Paksha.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

23 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

23 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

24 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago