गुन्हे शाखा युनिट 2 ची कारवाई
सिडको : प्रतिनिधी
चोरीची मोटारसायकल विक्री करण्यासाठी आलेल्या 18 वर्षीय तरुणाला गुन्हे शाखा युनिट क्रमांक दोनच्या पथकाने सापळा रचून ताब्यात घेतले. त्याच्याकडून 25 हजार रुपये किमतीची अॅक्टिव्हा मोपेड जप्त करण्यात आली असून, त्याच्या चौकशीतून मुंबई नाका पोलीस ठाण्यात दाखल असलेला मोटारसायकल चोरीचा गुन्हा उघडकीस आला आहे.
वेदांत संजय वावरिया (वय 18, रा. गिते मळा, शताब्दी हॉस्पिटलच्या मागे, हेरिबेअर सोसायटीजवळ, मुंबई नाका, नाशिक) असे ताब्यात घेण्यात आलेल्या संशयिताचे नाव आहे.
पोलिसांनी दिलेल्या माहितीनुसार, 15 सप्टेंबर रोजी गुन्हे शाखा युनिट क्रमांक दोनचे अधिकारी व कर्मचारी मोटारसायकल चोरीच्या गुन्ह्यातील आरोपींचा शोध घेत होते. त्यावेळी पोलीस उपनिरीक्षक मुक्तारखान पठाण आणि सहायक पोलीस उपनिरीक्षक गुलाब सोनार यांना एक तरुण चोरीची मोटारसायकल विक्री करण्यासाठी सिडको येथील संभाजी स्टेडियम परिसरात येणार असल्याची माहिती मिळाली.
ही माहिती युनिट क्रमांक दोनचे प्रभारी अधिकारी पोलीस निरीक्षक हेमंत तोडकर यांना देण्यात आली. त्यांच्या आदेशानुसार पोलिसांनी संभाजी स्टेडियम परिसरात सापळा रचला. यावेळी संशयास्पदरीत्या आलेल्या वावरिया याला ताब्यात घेऊन चौकशी करण्यात आली. चौकशीत त्याने अॅक्टिव्हा मोपेड चोरी केल्याची कबुली दिल्याचे पोलिसांनी सांगितले. त्याच्याकडून सुमारे 25 हजार रुपये किमतीची अॅक्टिव्हा मोपेड जप्त
करण्यात आली.
या प्रकरणी मुंबई नाका पोलीस ठाण्यात दाखल असलेला गुन्हा उघडकीस आला आहे. ताब्यात घेतलेल्या आरोपीला आणि जप्त मुद्देमालाला पुढील कारवाईसाठी मुंबई नाका पोलीस ठाण्याच्या ताब्यात देण्यात आले आहे.
Motorcycle theft case solved in Nashik
लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…
कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…
सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…
अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…
महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…