सातपूरला पैसे मागितल्याच्या कारणावरुन एकाचा खून

सातपुर: सिद्धार्थ लोखंडे

अशोकनगर येथील शाश्वत बार मध्ये श्रमिकनगर येथील तिघा जणानी पैसे मागीतल्याच्या रागातून
वेटर असलेल्या नितीशकुमार सिन्हा यांना काल रात्री 10 च्या सुमारास मारहाण केल्याची घटना घडली.नितीशकुमार घरी आला असता आज सकाळी त्यांच्या छातीत दुखत असल्याचे आपला भाऊ मनिषकुमार यास सांगितले.मनिषने त्यास तात्काळ जवळ असलेल्या एका खासगी रुग्णालयात दाखवले.मात्र तेथून त्यास जिल्हा रुग्णालयात उपचार करण्यासाठी सांगितले.जिल्हा रुग्णालयात उपचार सुरु असतानाच डॉक्टरांनी त्यास मयत घोषित केले.

मयत नितीशकुमार हा मनसेचे पदाधिकारी सचिन सिन्हा यांचा मावसभाऊ होता.त्यामुळे सिन्हा परिवारावर एन दिवाळीत दु:खाचा डोंगर कोसळला आहे.घटनेची माहिती कळताच मनसे ज्येष्ठ नगरसेवक सलीम मामा शेख यांनी सातपूर पोलिस ठाण्यात धाव घेतली. पोलिस ठाण्यात गुन्हा दाखल करण्यात काम चालु आहे

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.