नाशिक

गॅस दरवाढीविरोधात नाशिक जिल्हा ग्राहक पंचायतीची नाराजी

स्वयंपाकघरातील बजेट कोलमडले

नाशिक : प्रतिनिधी
केंद्र सरकारने घरगुती एलपीजी सिलिंडरच्या दरात तीन महिन्यांत दुसर्‍यांदा वाढ करत यावेळी 29 रुपयांनी वाढ केली आहे. त्यामुळे नाशिक जिल्हा ग्राहक पंचायतीने तीव्र नाराजी व्यक्त केली आहे.
गेल्या 7 मार्च रोजी 60 रुपयांची वाढ झाल्यानंतर आता पुन्हा 29 रुपयांची वाढ करण्यात आल्याने तीन महिन्यांत एकूण 89 रुपयांची वाढ झाली आहे. यामुळे गृहिणींचे मासिक बजेट कोलमडले आहे.स्वयंपाकाच्या गॅससह दूध, भाजीपाला, पेट्रोल, किराणा माल, तेल आदींच्या दरात वाढ झाल्याने जगायचे कसे, असा प्रश्न पडला आहे.
कमीत कमी संसाधनांचा वापर केला तरी मुलांचा शाळेचा खर्च, प्रवास, रोजचे जेवण आदी गोष्टी न टाळता येण्यासारख्या असल्याने घरखर्च सांभाळताना गृहिणींची तारेवरची कसरत होत आहे.
सरकार तेल कंपन्यांच्या तोट्याचा बोजा ग्राहकांवर टाकत असल्याचा आरोप नाशिक जिल्हा ग्राहक पंचायतीचे उपाध्यक्ष सुरेश पाटील यांनी केला. पश्चिम आशियातील संघर्षाचे कारण देत वारंवार दरवाढ करणे अन्यायकारक असून, दरवाढ तत्काळ मागे घेण्याची मागणी त्यांनी केली.
नाशिकमध्ये 14.2 किलो घरगुती गॅस सिलिंडरचा दर 942 रुपयांच्या घरात पोहोचला आहे. पाच किलो सिलिंडरचा दर 339 रुपये झाला आहे. व्यावसायिक सिलिंडरही 1 जूनपासून 42 रुपयांनी महाग झाल्याने हॉटेल व्यवसायावर परिणाम होऊन महागाईची झळ सर्वसामान्यांना बसणार असल्याचे पंचायतीने म्हटले आहे.
सरकारने सिलिंडरचे दर 800 रुपयांच्या खाली आणावेत, अशी मागणी उपाध्यक्ष सुरेश पाटील, सचिव विलास देवळे, अनिल नांदोडे, अ‍ॅड. मयूर देशपांडे, सुभाष तिडके व कृष्णा गडकरी यांनी पत्रकाद्वारे केली आहे.

तीन महिन्यांत जवळपास 90 रुपयांची वाढ गॅस सिलिंडरमध्ये झाली आहे. तसेच दूध, भाजीपाला, पेट्रोल यांसह प्रत्येक गोष्टीत दरवाढ झाल्याने सर्व बजेट कोलमडले आहे.आता शाळा सुरू होतील. मुलांच्या प्रवासभाड्यातही वाढ केली आहे. आता जगायचे कसे, असा प्रश्न पडला आहे.
– वर्षा थोरात, गृहिणी

महागाईने आधीच त्रस्त असलेल्या सर्वसामान्य ग्राहकांना पुन्हा वेठीस धरण्याचा हा प्रकार आहे.
– सुरेश पाटील, उपाध्यक्ष, नाशिक जिल्हा ग्राहक पंचायत

Nashik District Consumer Panchayat expresses displeasure against gas price hike

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

24 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

24 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

24 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago