नाशिक

सुमित पगारे हत्याकांडाला दोन महिन्यांनी नवे वळण

कुटुंबीयांना जीवे मारण्याची धमकी दिल्याचा आरोप

सिडको : प्रतिनिधी
सुमित पगारे हत्याकांडाला जवळपास दोन महिने उलटले असताना या प्रकरणाला नवे वळण मिळाले आहे. या प्रकरणातील संशयित सराईत गुन्हेगार राजू शेख याने पगारे कुटुंबीयांना जीवे मारण्याची धमकी दिल्याचा गंभीर आरोप कुटुंबीयांनी केला आहे. याप्रकरणी 26 सप्टेंबर रोजी नाशिकरोड पोलीस ठाण्यात तक्रार दाखल करण्यात आली आहे.
पगारे कुटुंबीयांच्या म्हणण्यानुसार, राजू शेख, रईस उर्फ पापा शेख, जमीर रंगरेज यांच्यासह काही संशयित अद्याप पोलिसांच्या ताब्यात आलेले नाहीत. दरम्यान, राजू शेख याने सुमित पगारे यांचे आत्येभाऊ सागर ऊर्फ बंटी मोरे तसेच पगारे कुटुंबीयांना दूरध्वनीवरून धमकी दिल्याचा आरोप करण्यात आला आहे. या कथित संभाषणाची ध्वनिफीत पगारे कुटुंबीयांनी नाशिकचे पोलीस आयुक्त संदीप कर्णिक तसेच नाशिकरोड पोलिसांच्या वरिष्ठ अधिकार्‍यांकडे सादर केल्याचे सांगितले. कुटुंबीयांच्या दाव्यानुसार, या संभाषणात राजू शेख याने बंटी मोरे याला, “माझ्या विरोधात मोर्चा काढलात तर सर्वांना जीवे ठार मारू. माझी माणसे सर्वीकडे आहेत. पंधरा मिनिटांत तुझा मर्डर करीन,” असा इशारा दिल्याचे सांगण्यात आले आहे.
या कथित फोन संभाषणात भूषण गोसावी प्रकरणाचाही उल्लेख करण्यात आल्याचा दावा कुटुंबीयांनी केला आहे. “या प्रकरणात पोलिसांना मॅनेज केले आहे, मला कोणी पकडू शकत नाही,” अशा आशयाचे कथित वक्तव्य राजू शेख याने केल्याचा आरोपही कुटुंबीयांनी केला आहे.
या संभाषणातील वक्तव्याची सत्यता अद्याप तपासातून निश्चित झालेली नाही. संबंधित ध्वनिफीत, कॉल डिटेल रेकॉर्ड (सीडीआर) तसेच अन्य तांत्रिक पुराव्यांची कायदेशीर आणि निष्पक्ष पडताळणी करण्यात यावी, अशी मागणी पगारे कुटुंबीयांनी केली आहे.
“आमच्या आरोपांची निष्पक्षपणे चौकशी व्हावी. सुमितला न्याय मिळावा. तसेच आरोपींकडून आमच्या जीविताला धोका असल्याने कुटुंबीयांना पोलीस संरक्षण द्यावे,” अशी मागणी काजल सुमित पगारे, रुचिका पगारे आणि त्यांच्या कुटुंबीयांनी केली आहे.
दरम्यान, या तक्रारीनंतर पोलीस कोणती कारवाई करतात, तसेच कथित धमकीच्या ध्वनिफितीची आणि अन्य तांत्रिक पुराव्यांची तपासणी कशी केली जाते, याकडे आता लक्ष लागले आहे.

New twist in Sumit Pagare murder case after two months

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

21 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

21 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

21 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

22 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

22 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

22 hours ago