नाशिक

आता कसं भाऊ म्हणतील तसं!

पालकमंत्री गिरीश महाजन यांच्या स्वागताचे शहरात
लागलेले आता कसं भाऊ म्हणतील तसं! बॅनरची चर्चा

नाशिक : प्रतिनिधी
नाशिक जिल्ह्याच्या पालकमंत्री पदावरून सुरू असलेला वाद अखेर संपुष्टात आला असून, भाजपचे ज्येष्ठ नेते गिरीश महाजन यांच्याकडे नाशिकच्या पालकमंत्री पदाची धुरा सोपवण्यात आली आहे. या राजकीय घडामोडीनंतर नाशिक शहरात गिरीश महाजन यांच्या समर्थकांनी लावलेले राजकीय बॅनर सध्या जोरदार चर्चेचा विषय ठरत आहेत.
शहरातील प्रमुख चौकांमध्ये “आता कसं…भाऊ म्हणतील तसं!“ अशा मजकुराचे फलक झळकले आहेत. विशेषतः जुन्या सीबीएससमोरील छत्रपती शिवाजी उद्यानाच्या कोपर्‍यावर भव्य असे तीन बॅनर तथा मोठे फलक सर्वांचे लक्ष वेधून घेत असून, त्यावरील मजकूर सर्व नागरिकांच्या चर्चेचा विषय ठरत आहे. गिरीश महाजन यांनी नाशिकचे पालकमंत्रिपद मागितले नव्हते आणि भाजपच्या वरिष्ठ नेतृत्वाचाही सुरुवातीला वेगळा विचार होता, तरीही शेवटी ही जबाबदारी महाजन यांच्याकडेच आली, असे म्हटले जाते.
वास्तविक पाहता पालकमंत्री पदाच्या शर्यतीत राष्ट्रवादी काँग्रेसचे ज्येष्ठ नेते छगन भुजबळ आणि शिंदेंच्या शिवसेनेचे माणिकराव कोकाटे यांची नावे चर्चेत होती.दरम्यानच्या काळात माणिकराव कोकाटे यांचे मंत्रिपद गेले. त्यामुळे पालकमंत्रिपद छगन भुजबळ यांनाच मिळेेल, असे राष्ट्रवादी काँग्रेस (अजित पवार) पक्षाच्या नेते आणि कार्यकर्त्यांना वाटत होते. त्याचप्रमाणे शिवसेना (एकनाथ शिंदे गट) पक्षाचे मंत्री दादा भुसे यांनाही नाशिक जिल्ह्याचे पालकमंत्री पद मिळू शकते अशी या पक्षातील अनेकांची अपेक्षा होती. मात्र, तसे काही घडले नाही. कुंभमेळामंत्री म्हणून गेले अनेक दिवस काम पाहणारे मंत्री गिरीश महाजन हेच पालकमंत्री म्हणून अघोषितपणे वावरत होते. अखेर आता अधिकृतपणे त्यांना पालकमंत्रिपद मिळाल्याने त्यांचे शहरात जोरदार स्वागतही झाले.
आपण लवकरच सिंहस्थ कुंभमेळ्याच्या पार्श्वभूमीवर शहराचा चेहरामोहरा बदलून टाकू, असे नवीन पालकमंत्री महाजन सांगत आहेत. परंतु एकंदरीत रस्त्यांवरील खड्डे आणि सर्वच विकासकामांची गती बघता नागरिकांमध्ये नाराजी दिसून येते, हेही तितकेच खरे आहे.
राजकीय समीकरणांमुळे हे पद पुन्हा एकदा भाजपच्या गोटात गेले. पालकमंत्रिपद मिळताच महाजन यांचा नाशिकमधील प्रभाव अधिक वाढल्याचे मानले जात आहे. आता जिल्ह्यातील निधी वाटप, नियोजन आणि प्रशासकीय कामांवर भाऊ म्हणजेच गिरीश महाजन यांचाच थेट प्रभाव असणार आहे. नाशिक शहरातील रस्ते, खड्डे, पाणीपुरवठा आणि गोदावरी प्रदूषण यांसारख्या नागरी समस्या सोडवण्यासाठी आता पालकमंत्री गिरीश महाजन काय निर्णय घेतात, याकडे नाशिककरांचे लक्ष लागले आहे.

Now, it will happen just as Bhau says!

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

24 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

24 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

24 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago