कोर्या धनादेशांचा गैरवापर करून शेतकर्याची फसवणूक
सिडको : प्रतिनिधी
वडिलांच्या अज्ञानाचा गैरफायदा घेत त्यांच्या कोर्या धनादेशांवर स्वाक्षर्या करून घेण्यात आल्या. तसेच त्यांचा मोबाइल ताब्यात घेऊन त्याचा गैरवापर करीत बँक खात्यातून तब्बल सात कोटी चार लाख रुपयांची रक्कम परस्पर वळविल्याचा प्रकार उघडकीस आला आहे. याप्रकरणी दर्शन अशोक थोरात, सुलभ कोईराला, शुभम सोनवणे आणि सफायर रियल इस्टेटच्या मालकाविरुद्ध पंचवटी पोलिस ठाण्यात गुन्हा दाखल करण्यात आला आहे.
हेमंत प्रकाश आगळे (वय 43, रा. दिंडोरी रोड, म्हसरूळ) यांनी याप्रकरणी फिर्याद नोंदविली आहे. मार्च 2026 ते 1 जुलै 2026 या कालावधीत पंचवटी कारंजा येथील मानस आर्केडमधील त्यांच्या वडिलांच्या कार्यालयात हा प्रकार घडल्याचे तक्रारीत म्हटले आहे.
फिर्यादीनुसार, दर्शन थोरात याने आगळे यांच्या वडिलांशी ओळख वाढवून त्यांचा विश्वास संपादन केला. त्यांच्या अज्ञानाचा फायदा घेत कोर्या धनादेशांवर स्वाक्षर्या करून घेतल्याचा आरोप आहे. त्याचदरम्यान आगळे यांच्या वडिलांचा मोबाइलही चोरीला गेल्याचे तक्रारीत नमूद करण्यात आले आहे. मोबाइल क्रमांक आणि कोर्या धनादेशांचा वापर करून श्री महेश को-ऑपरेटिव्ह बँकेच्या नाशिक मुख्य शाखेतील खात्यातून विविध धनादेशांद्वारे रक्कम काढण्यात आल्याचा आरोप आहे. काढलेली रक्कम दर्शन थोरात याच्यासह सुलभ कोईराला, शुभम सोनवणे आणि सफायर रियल इस्टेट यांच्या नावावर वळविण्यात आल्याचे फिर्यादीत नमूद करण्यात आले आहे.
या व्यवहारांद्वारे एकूण सात कोटी चार लाख रुपयांची फसवणूक झाल्याचा आरोप आहे. या तक्रारीची दखल घेत पंचवटी पोलिसांनी फसवणूक, विश्वासघात आणि कटकारस्थान तसेच माहिती तंत्रज्ञान अधिनियमातील संबंधित कलमांनुसार गुन्हा दाखल केला आहे. पोलिस निरीक्षक पाटील या प्रकरणाचा पुढील तपास करीत आहेत.
Over seven crore siphoned off from bank account
लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…
कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…
सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…
अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…
महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…