नाशिक विभागात आदर्श आचारसंहिता लागू….

नाशिक : प्रतिनिधी
भारत निवडणूक आयोगाने नाशिक विभाग पदवीधर मतदारसंघाचा निवडणूक कार्यक्रम जाहीर केला असून, 30 जानेवारीला निवडणूक तर 2 फेब्रुवारीला मतमोजणी होणार आहे. निवडणूक कार्यक्रमानुसार नाशिक विभागात आदर्श आचारसंहिता लागू झाली असल्याची माहिती उपायुक्त (सामान्य प्रशासन) उन्मेष महाजन यांनी दिली.
असा आहे निवडणूक कार्यक्रम
निवडणुकीची अधिसूचना : 5 जानेवारी 2023
अर्ज भरण्याची अंतिम तारीख : 12 जानेवारी
अर्जांची छाननी : 13 जानेवारी
अर्ज माघारी : 16 जानेवारी
मतदान : 30 जानेवारी
मतमोजणी : 2 फेब्रुवारी
नाशिक पदवीधर मतदार संघामध्ये सद्या डॉ. सुधीर तांबे हे नेतृत्व करीत आहेत. यावेळीही त्यांची निवडणूक लढविण्यासाठी तयारी सुरू झालेली असून. याशिवाय हेमंत धात्रक हे देखील निवडणूक लढविण्याच्या तयारीला लागले आहेत. गेल्या काही दिवसांपासून पदवीधरच्या मतदारांची नाव नोंदणी सुरू होती. सर्वच इच्छुकांनी त्यासाठी तयारी चालविली आहे.