अंगारक चतुर्थीनिमित्त गणपती मंदिरांत भाविकांच्या रांगा

नाशिक : प्रतिनिधी
अंगारक संकष्ट चतुर्थीच्या मुहूर्तावर शहरातील विविध गणपती मंदिरांत भाविकांनी मोठ्या संख्येने उपस्थित राहून बाप्पाचे दर्शन घेतले. सकाळपासूनच मंदिरांमध्ये दर्शनासाठी भाविकांच्या लांबच लांब रांगा लागल्याचे चित्र पाहायला मिळाले.
दूर्वा, नारळ आणि पेढ्यांचा नैवेद्य अर्पण करून भाविकांनी गणेशाची पूजा केली. अंगारिकेनिमित्त अनेक मंदिरांत महाभिषेक, अथर्वशीर्ष पठण, गणेशयाग यांसारख्या धार्मिक कार्यक्रमांचे आयोजन केले होते.
शहरातील ढोल्या गणपती, नवश्या गणपती यांसह रविवार कारंजा येथील गणपती मंदिरात दिवसभर भाविकांची गर्दी होती. संध्याकाळी होणार्‍या आरतीसाठीही परिसरातील नागरिक मोठ्या संख्येने उपस्थित होते. नाशिकरोड येथील इच्छामणी गणेश मंदिरात भाविकांनी मोठ्या प्रमाणात हजेरी लावली. विविध गणेश मंदिरांत आलेल्या भाविकांना खिचडी, केळी, राजगिरा लाडू आदी पदार्थ प्रसाद म्हणून वितरित करण्यात आले.

Queues of devotees at Ganapati temples on the occasion of Angarak Chaturthi