नाशिक

महिन्यानंतर लासलगावला पावसाची हजेरी

बळीराजाला दिलासा; खरीप पिकांना मिळणार नवसंजीवनी

लासलगाव : वार्ताहर
गेल्या महिनाभरापासून दडी मारलेल्या पावसाने मंगळवारी सकाळी दहा तसेच दुपारी दोनच्या सुमारास लासलगावसह परिसरात जोरदार हजेरी लावली. या पावसामुळे गेल्या अनेक दिवसांपासून चिंतेत असलेल्या बळीराजाला मोठा दिलासा मिळाला असून, सुकण्याच्या मार्गावर असलेल्या खरीप पिकांना नवसंजीवनी
मिळाली आहे.
चालू हंगामात सुरुवातीला चांगला पाऊस झाल्यानंतर गेल्या महिना-सव्वा महिन्यापासून पावसाने पूर्णपणे ओढ दिली होती. ऑगस्ट आणि सप्टेंबरच्या सुरुवातीला पाऊस न झाल्याने लासलगाव परिसरातील सोयाबीन, मका आणि लवकर लागवड केलेला खरीप कांदा ही पिके कोमेजू लागली होती. पिके हातातून जाण्याच्या भीतीने शेतकरी अत्यंत चिंतेत पडला होता. अनेक ठिकाणी विहिरींच्या पाणीपातळीत घट झाल्याने पिकांना पाणी कसे द्यावे, असा प्रश्न निर्माण झाला होता. मात्र, काल सकाळी व दुपारी झालेल्या या दमदार पावसामुळे पिकांमधील ओलावा टिकून राहण्यास मदत होणार असून, पिकांना मोठे जीवनदान
मिळाले आहे.
मंगळवारी सकाळी अचानक आकाशात काळे ढग जमा झाले आणि अवघ्या काही वेळातच धुवांधार पावसाला सुरुवात झाली. सकाळी एक तास व दुपारी पाऊण तास चाललेल्या या जोरदार पावसामुळे शहरातील रस्ते व सखल भागांमध्ये पाणी साचले. अचानक आलेल्या पावसामुळे बाजार समितीत कांदा लिलावासाठी आलेल्या शेतकरी तसेच व्यापार्‍यांची काही काळ धांदल उडाली. मात्र, उकाड्याने हैराण झालेल्या नागरिकांना या पावसामुळे गारवा मिळाला.

Rain visits Lasalgaon after a month.

 

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

1 day ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

1 day ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

1 day ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago