नाशिक

आरटीओ कार्यालयात कर्मचार्‍यांच्या संपामुळे शुकशुकाट

वाहनधारकांची कामे रखडली; सामान्यांना फटका

पंचवटी : प्रतिनिधी
मोटार वाहन विभाग (आरटीओ) कर्मचार्‍यांनी विविध मागण्यांसाठी पुकारलेल्या संपावर शासनाने कुठल्याही प्रकारचे पाऊल न उचलल्याने प्रादेशिक परिवहन कार्यालयाच्या आवारात शुकशुकाट दिसून आला. दरम्यान, अपॉइंटमेंट घेतलेल्या वाहनांचे पासिंग, शिकाऊ व पक्के परवाने ही कामे वगळता इतर अनेक कामे बंद असल्याने त्याचा फटका सर्वसामान्य वर्गाला बसला. त्यामुळे शासनाच्या महसुलावरदेखील परिणाम झाल्याचे दिसून आले आहे.
राज्यभरातील मोटार वाहन विभागातील कर्मचारी गेल्या वर्षभराहून अधिक कालावधीतील प्रलंबित मागण्यांबाबत न्याय मिळेल, या प्रतीक्षेत होते. त्यासाठी कर्मचार्‍यांनी वेळोवेळी आंदोलनात्मक कृती करून रास्त प्रलंबित मागण्यांसाठी लोकशाही पद्धतीने प्रयत्न केले. त्याबाबत दि. 17 एप्रिल 2026 रोजीच्या पत्राद्वारे तात्पुरत्या पदोन्नतीस मुदतवाढ मिळण्याबाबत कर्मचार्‍यांच्या भावना कळविल्या होत्या. मात्र, काहीच कार्यवाही न झाल्याने संपाचे हत्यार उपसण्यात आले. मागण्यांवर कुठल्याही प्रकारे तोडगा न निघाल्याने कर्मचारी मंगळवार(दि. 16 जून 2026)पासून बेमुदत संपावर गेले आहेत. संपाचा पहिलाच दिवस असल्याने मोटार वाहन विभागाच्या सर्वच कर्मचार्‍यांनी पाठ फिरवल्याने आरटीओ कार्यालयाच्या आवारात पूर्णतः शुकशुकाट दिसून आला.
प्रादेशिक परिवहन कार्यालयातील मोटार वाहन विभाग कर्मचारी संघटनेचे अध्यक्ष ज्ञानेश्वर करंजकर, कार्याध्यक्ष संतोष नाईक, सचिव श्रीमती शिरीन शहा, जितेंद्र देसाई, शिरीष सोनवणे, प्रशांत जाधव, अनुप वाघ, पंढरीनाथ आडके, कविता मोराडे, शंकर दिवटे, हर्षल माळी, रूपाली म्हस्के, कांचन उमराणकर, पंडित जाधव, वनिता पवार, आरती हरळ आदींसह जवळपास 40 ते 50 कर्मचारी संपात सहभागी झाले आहेत. त्यामुळे कार्यालयाच्या आवारात केवळ मोजके एजंट दिसून आले. मात्र, सर्वसामान्य नागरिकांनी पाठ फिरवली होती.

ही कामे थांबली

♦ वाहन हस्तांतरण कामकाज पूर्णतः ठप्प
♦ वाहनावर असलेला बँकेचा बोजा चढवणे व उतरवणे पूर्णतः बंद
परमिट नूतनीकरण बंद
♦ पंधरा वर्षांवरील पुढील वाहनांच्या पासिंगचे काम ठप्प
♦ आंतरराष्ट्रीय ड्रायव्हिंग परमिट बंद
♦ व्यावसायिक वाहनांचा कर भरणे

कर्मचार्‍यांच्या मागण्या मान्य कराव्यात
शासनाकडे कर्मचार्‍यांनी केलेल्या मागण्या योग्य आहेत. त्यामुळे रास्त व जिव्हाळ्याच्या मागण्या संवेदनशील प्रशासनाने मान्य कराव्यात.
– ज्ञानेश्वर करंजकर, अध्यक्ष, मोटार वाहन विभाग कर्मचारी संघटना

 

RTO office in chaos due to employee strike

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

19 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

19 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

19 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago