नवी दिल्ली : केंद्रीय माध्यमिक शिक्षण मंडळाने इयत्ता दहावी आणि बारावीच्या आगामी वार्षिक परीक्षांसाठीचे अधिकृत वेळापत्रक जाहीर केले आहे. मंडळाने दिलेल्या माहितीनुसार, दहावी आणि बारावी अशा दोन्ही वर्गांच्या मुख्य प्रात्यक्षिक व लेखी परीक्षा 16 फेब्रुवारी 2027 पासून एकाच वेळी सुरू होणार आहेत. परीक्षांचे नियोजन अचूक व्हावे आणि विद्यार्थ्यांना अभ्यासासाठी पुरेसा वेळ मिळावा, या उद्देशाने मंडळाने परीक्षा सुरू होण्याच्या 101 दिवस आधीच हे वेळापत्रक प्रसिद्ध केले आहे. प्रात्यक्षिक परीक्षा आणि अंतर्गत मूल्यमापन 1 जानेवारी 2027 पासून सुरू होणार आहे.
मुख्य लेखी परीक्षांचे वेळापत्रक
इयत्ता दहावी परीक्षा : 16 फेब्रुवारी ते 9 मार्च 2027
इयत्ता बारावी परीक्षा : 16 फेब्रुवारी ते 9 एप्रिल 2027
परीक्षेची वेळ : सर्व विषयांचे पेपर एकाच सत्रात सकाळी 10.30 ते दुपारी 01.30 या वेळेत पार पडतील.
Schedule for Class 10 and Class 12 examinations announced