नाशिक

सप्तशृंगी मंदिरातील चांदीचा मुकुट चोरीला

उल्हासनगरचा संशयित तरुण पंचवटीत जेरबंद

सिडको : प्रतिनिधी
पंचवटीतील सीतागुंफा रोडवरील छत्रपती शिवाजी महाराज चौक परिसरातील सप्तशृंगी माता मंदिरातून देवीचा चांदीचा मुकुट चोरीला गेल्याच्या प्रकरणाचा पंचवटी पोलिसांनी छडा लावला. सीसीटीव्ही फुटेजच्या आधारे तपास करत पोलिसांनी विशाल कन्हैयालाल खत्री (29, रा. उल्हासनगर, जि. ठाणे) याला रामकुंड परिसरातून ताब्यात घेतले. चौकशीत त्याने मंदिरातील चांदीचा मुकुट चोरी केल्याची कबुली दिल्याचे पोलिसांनी सांगितले. त्याच्याकडून चोरीस गेलेला मुद्देमाल जप्त करण्यात आला.
सप्तशृंगी माता मंदिरातून 7 सप्टेंबर रोजी चांदीचा मुकुट चोरीला गेला होता. या प्रकरणी पंचवटी पोलीस ठाण्यात 15 सप्टेंबर रोजी गुन्हा दाखल करण्यात आला. चोरीस गेलेल्या मुकुटाचा शोध घेण्यासाठी पंचवटी पोलिसांच्या गुन्हे शोध पथकाने परिसरातील सीसीटीव्ही
फुटेज तपासण्यास सुरुवात केली. फुटेजमध्ये संशयास्पद व्यक्ती आढळून आल्यानंतर पोलिसांकडून त्याचा शोध घेतला जात होता.
दरम्यान, संबंधित व्यक्ती रामकुंड परिसरात फिरत असल्याची माहिती पोलिसांना मिळाली. पोलीस शिपाई घाडगे आणि आगोणे यांनी रामकुंड परिसरात सापळा रचला. तेथे संशयित व्यक्तीला ताब्यात घेण्यात आले. सीसीटीव्ही फुटेजमधील व्यक्तीचे वर्णन आणि ताब्यात घेतलेल्या संशयिताचे वर्णन जुळत असल्याने पोलिसांनी त्याची चौकशी केली.
पोलिसांनी विश्वासात घेऊन चौकशी केली असता, विशाल खत्री याने मंदिरातील चांदीचा मुकुट चोरी केल्याची कबुली दिल्याचे पोलिसांनी नमूद केले. त्याच्याकडून सुमारे 45 हजार रुपये किमतीचा मुद्देमाल जप्त करण्यात आला आहे. ही कारवाई पंचवटी पोलीस ठाण्याचे वरिष्ठ पोलीस निरीक्षक गजेंद्र पाटील आणि पोलीस निरीक्षक सुनील पवार यांच्या मार्गदर्शनाखाली पंचवटी पोलिसांच्या गुन्हे प्रकटीकरण शाखेचे सहायक पोलीस निरीक्षक सतीश शिरसाठ तसेच कैलास शिंदे, महेश नांदुर्डीकर, अमोल काळे, लोणारे, घाडगे, चारोरकर, जगताप, गायकवाड, वायकंडे, चितळकर, बहिकर, आगोणे, देशमुख, जाधव, पाटील, पवार, अंकुश काळे, परदेशी आणि रोहिणी भोईर यांच्या पथकाने ही कारवाई केली. या प्रकरणाचा पुढील तपास पोलीस हवालदार कैलास शिंदे करीत आहेत.

Silver crown stolen from Saptashrungi temple.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

23 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

23 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

23 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

24 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

24 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

24 hours ago