नाशिक

पाथर्डी फाट्यावर चोरीची अ‍ॅक्टिव्हा विक्रीसाठी आलेला संशयित जेरबंद

सिडको : प्रतिनिधी
चोरीची अ‍ॅक्टिव्हा मोपेड विक्री करण्यासाठी पाथर्डी फाट्यावरील उड्डाणपुलाखाली आलेल्या संशयिताला गुन्हे शाखेच्या युनिट क्रमांक दोनच्या पथकाने सापळा रचून ताब्यात घेतले. राहुल दत्तू जाधव (36, रा. पुष्कराज अपार्टमेंट, वडाळा-पाथर्डी रोड, कलानगर, नाशिक) असे अटक केलेल्या संशयिताचे नाव आहे. त्याच्याकडून 55 हजार रुपये किमतीची पांढर्‍या रंगाची अ‍ॅक्टिव्हा मोपेड जप्त करण्यात आली आहे.
नाशिक शहर परिसरातील मोटारसायकल चोरीचे गुन्हे उघडकीस आणण्याच्या उद्देशाने दुचाकी चोरीच्या गुन्ह्यांतील संशयितांचा शोध घेत होते. याच दरम्यान, 17 सप्टेंबर रोजी पोलीस अंमलदार मनोज शिंदे आणि संतोष सुपेकर यांना पाथर्डी फाट्यावरील टोयोटो शोरूमसमोरील उड्डाणपुलाखाली एक व्यक्ती चोरीची अ‍ॅक्टिव्हा विक्री करण्यासाठी येणार असल्याची गोपनीय माहिती मिळाली. त्यानुसार गुन्हे शाखा युनिट दोनचे प्रभारी सहायक पोलीस निरीक्षक हेमंत तोडकर यांनी तातडीने पथक तयार करून कारवाईच्या सूचना दिल्या. त्यानुसार श्रेणी पोलीस उपनिरीक्षक मुक्तारखान पठाण, सहायक पोलीस उपनिरीक्षक गुलाब सोनार, पोलीस हवालदार चंद्रकांत गवळी तसेच मनोज शिंदे आणि संतोष सुपेकर यांच्या पथकाने संबंधित ठिकाणी सापळा लावला. काही वेळाने अ‍ॅक्टिव्हा मोपेडसह आलेल्या राहुल जाधव याला पोलिसांनी ताब्यात घेतले. चौकशीदरम्यान त्याने ही मोपेड लेखानगर येथील हॉटेल स्पॅक परिसरातून चोरी केल्याची कबुली दिल्याचे पोलिसांनी सांगितले. त्यानंतर पोलिसांनी त्याच्याकडून 55 हजार रुपये किमतीची अ‍ॅक्टिव्हा जप्त केली. जाधव याच्या कबुलीवरून अंबड पोलीस ठाण्यात दाखल असलेला मोटारसायकल चोरीचा गुन्हा उघडकीस आला आहे. आरोपी आणि जप्त केलेली दुचाकी पुढील कारवाईसाठी अंबड पोलिसांच्या ताब्यात देण्यात आली. ही कारवाई पोलीस निरीक्षक हेमंत तोडकर, सहायक पोलीस निरीक्षक डॉ. समाधान हिरे, श्रेणी पोलीस उपनिरीक्षक मुक्तारखान पठाण, सहायक पोलीस उपनिरीक्षक गुलाब सोनार, पोलीस हवालदार चंद्रकांत गवळी, मनोज शिंदे आणि संतोष सुपेकर यांच्या पथकाने केली.

Suspect apprehended while attempting to sell a stolen Activa at Pathardi Phata.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

23 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

23 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

23 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

24 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

24 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago