नाशिक

सिन्नरची श्रावणी झाली ’इंडिगो’त कॅबिन क्रू

इंडिगो विमान कंपनीत रुजू

सिन्नर : प्रतिनिधी
सामान्य परिस्थितीत वाढलेल्या सिन्नर येथील श्रावणी स्वाती रघुनाथ शेलार हिने जिद्द, मेहनत आणि चिकाटीच्या जोरावर आपले स्वप्न साकार केले आहे. अवघ्या 19 व्या वर्षी तिची इंडिगो विमान कंपनीत कॅबिन क्रू म्हणून निवड झाली आहे. 5 मार्च रोजी ती सेवेत रुजू
झाली आहे.
श्रावणीचे वडील रघुनाथ शेलार पूर्वी माळेगाव येथील एका खासगी कंपनीत कार्यरत होते. कंपनी बंद पडल्यानंतर त्यांनी खासगी इलेक्ट्रिशियन म्हणून काम सुरू केले. तिची आई गेल्या 25 वर्षांपासून सिन्नरमधील डॉ. विजय लोहारकर यांच्या रुग्णालयात आरोग्य सेविका म्हणून सेवा देत आहे. साध्या कुटुंबातील वातावरणात वाढलेल्या श्रावणीने लहानपणापासूनच मोठे स्वप्न पाहिले.
तिने दहावीपर्यंतचे शिक्षण सिन्नरमधील आदर्श इंग्लिश मीडियम स्कूलमध्ये पूर्ण केले. त्यानंतर अकरावी व बारावीचे शिक्षण संगमनेर येथील मालपाणी ज्युनिअर कॉलेजमध्ये घेतले. बारावीनंतर तिने विमान परिचारिका होण्याचा निर्णय घेतला आणि त्या दिशेने प्रयत्न सुरू केले.या क्षेत्रात संधी मिळवणे सोपे नसते. इंडिगोच्या प्रत्येक मुलाखतीसाठी सुमारे 800 ते 1000 मुली उपस्थित असत. निवड फक्त पाच जणींची होत असे. तरीही श्रावणीने हार मानली नाही. सामान्य परिस्थितीतून आलेल्या श्रावणीने जिद्द आणि मेहनतीच्या जोरावर आकाशाला गवसणी घालत नवे पंख लेवून आकाशात यशाची भरारी घेतली.
यूट्यूब आणि ऑनलाइन अभ्यासक्रमांच्या माध्यमातून तिने स्वतःची तयारी केली आणि तब्बल 25 ते 30 वेळा मुलाखती दिल्या. अखेर तिच्या चिकाटीला यश आले आणि तिची निवड निश्चित झाली.
निवड झाल्यानंतर दिल्ली येथे कंपनीतर्फे तीन महिन्यांचे प्रशिक्षण देण्यात आले. प्रशिक्षणादरम्यान तिने सैद्धांतिक आणि प्रात्यक्षिक दोन्ही परीक्षांमध्ये उत्कृष्ट कामगिरी करत प्रशिक्षण पूर्ण केले. 5 मार्च रोजी ती अधिकृतपणे सेवेत रुजू झाली. विशेष म्हणजे, पहिल्याच दिवशी तिने मुंबई-गाझियाबाद ही विमानसेवा यशस्वीरीत्या पूर्ण केली.

 

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

21 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

21 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

21 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

21 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

22 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

22 hours ago