सप्तशृंगगड ते नांदुरी घाट रस्ता उद्यापासून वाहतुकीसाठी बंद

सप्तशृंगगड : वार्ताहर
सप्तशृंगगड ते नांदुरी घाट रस्त्याच्या काँक्रिटीकरणाच्या कामासाठी 10 सप्टेंबर 2026 पासून हा रस्ता सर्व प्रकारच्या वाहतुकीसाठी बंद ठेवण्यात येणार आहे. उपविभागीय अधिकारी (कळवण) डॉ. काश्मिरा संखे यांनी आपत्ती व्यवस्थापन अधिनियम 2005 चे कलम 34 अन्वये प्राप्त अधिकारांचा वापर करून हे अधिकृत आदेश जारी केले आहेत.
केंद्रीय मार्ग निधी अंतर्गत राज्य महामार्ग 21 वरील सप्तशृंगगड – नांदुरी – अभोणा – कनाशी – मानूर – अलियाबाद या रस्त्याच्या काँक्रिटीकरणाचे काम मंजूर आहे. सध्या सार्वजनिक बांधकाम उपविभाग क्रमांक 4 (कळवण) यांच्यामार्फत सप्तशृंगगड ते नांदुरीदरम्यानच्या घाट मार्गात काँक्रिटीकरणाचे काम
सुरू आहे.
वाहतूक बंद ठेवण्याचे कारण
घाट मार्गात रस्ता काँक्रिटीकरणाचे काम चालू असताना वाहतूक वळवण्यासाठी कोणताही पर्यायी मार्ग उपलब्ध नाही. चालू वाहतुकीत काम केल्यास कामाचा दर्जा आणि गती प्रभावित होत असून, नियोजित वेळेत काम पूर्ण करणे अशक्य होत होते. तसेच आगामी कुंभमेळा 2027 च्या दृष्टीने भाविकांची मोठी गर्दी लक्षात घेता, सुरक्षिततेचा उपाय म्हणून आणि रस्ता काँक्रिटीकरण वेळेत पूर्ण करण्यासाठी रस्ता बंद ठेवण्याचा निर्णय घेण्यात आला.

The road from Saptashrungagad to Nanduri Ghat will be closed to traffic starting tomorrow.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.