नाशिक

‘झाले इलेक्शन, जपा रिलेशन’चा ट्रेंड हद्दपार

‘गरज सरो वैद्य मरो’ची अनुभूती; नगरसेवक फोन उचलेना

नाशिक : प्रतिनिधी
नाशिक महापालिकेच्या निवडणुका नुकत्याच पार पडल्या, पण निवडणुकांनंतरचे राजकीय वास्तव मात्र धक्कादायक आहे. वर्षानुवर्षे जपले गेलेले ’झाले इलेक्शन, जपा रिलेशन’ हे तत्त्व जणू इतिहासजमा झाले आहे. त्याऐवजी आता ’गरज सरो आणि वैद्य मरो’, अशीच स्थिती दिसून येते.
निवडणूक काळात एकमेकांच्या जीवावर उठणारे, आरोप-प्रत्यारोपांच्या फैरी झाडणारे, एकमेकांकडे न पाहणारे उमेदवार निकालानंतर मात्र चहापान, मनोमिलन, भेटीगाठी यांमधून सगळे विसरून पुढे जात असत. हार-जित असो, नातेसंबंध जपणे हीच खरी राजकारणाची परंपरा होती. मतदारांचे आभार मानण्यासाठी मिरवणुका, कार्यकर्त्यांना सन्मान, भेटीगाठी असा उत्साह पाहायला मिळायचा. मात्र, यंदाचे चित्र वेगळेच आहे.
निवडून आलेल्या नगरसेवकांना फोन केला तर कॉल उचलला जात नाही, कधी थेट कट केला जातो. निवडणुकीत जीव ओतून काम करणार्‍या कार्यकर्त्यांनाही आज गरज सरो वैद्य मरोचा अनुभव येत आहे. कार्यकर्त्यांच्या जीवावर निवडून आलेले नगरसेवक मोठ्या उन्मादात वागत असल्याचे चित्र सर्वत्र दिसत आहे. सोशल मीडियावरही हा उन्माद स्पष्टपणे दिसतो आहे. मुंबई महापालिकेच्या निकालानंतर नितेश राणे यांनी टाकलेला छद्मी हसतानाचा व्हिडीओ, ठाकरे गटाच्या पराभवावर केलेली उन्मादात्मक पोस्ट यावरून राजकारण किती सूडाचे झाले आहे, हे अधोरेखित होते. मुख्यमंत्री देवेंद्र फडणवीस यांनी आनंद साजरा करा, पण तो उन्माद वाटेल असे व्यक्त होऊ नका, अशी समज देऊनही कार्यकर्त्यांच्या भावना दुखावणार्‍या पोस्ट थांबत नाहीत. नाशिकमध्येही याचे गंभीर परिणाम दिसू लागले आहेत. सोमवार पेठेतील शिवसेना उमेदवार गणेश मोरे यांच्या घरासमोर अज्ञातांनी फटाके फोडून शिवीगाळ केली. जेलरोड परिसरात एका उमेदवाराला मारहाण झाली. कुणी हरले म्हणून त्याच्या घरासमोर फटाके, कुठे धमक्या, कुठे हाणामारी हे चित्र लोकशाहीसाठी अत्यंत घातक आहे. निवडणूक संपली तरी वैर संपलेले नाही, उलट ते अधिक तीव्र झाले आहे. असंतोष, असूया आणि सूडाचे राजकारण एखाद्याच्या मृत्यूचेही कारण बनू शकते, अशी भीती व्यक्त होत आहे. झाले इलेक्शन, जपा रिलेशन हा विचार पुन्हा जिवंत करण्याची गरज असताना, राजकारण अधिकच कटू होत चालले आहे.

The trend of ‘elections done, Japa Relation’ has been banished

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

स्वतःची फॅशन ओळख

आरशासमोर उभं राहणं म्हणजे फक्त चेहरा बघणं नाही, तर स्वतःला समजून घेण्याचा एक खास क्षण…

4 minutes ago

तुळशी विवाह : एक आरोग्यदायी प्रथा!

भारतात कार्तिक शुद्ध एकादशी ते कार्तिक पौर्णिमा या कालावधीत घरोघरी तुळशी विवाह लावण्याचा प्रघात आहे.…

20 minutes ago

बूमरँग

काँग्रेसच्या नेत्या सोनिया गांधी यांच्या ‘बिलॉन्गिंग : अ जर्नी ऑफ लव्ह’ या पुस्तकाची देशविदेशात चर्चा…

27 minutes ago

नाशिककरांची पसंती गिधाडालाच

1,995 मतांसह ठरले शहराचे पक्षी मानचिन्ह नाशिक : प्रतिनिधी नाशिक शहराचे पक्षी मानचिन्ह निवडण्यासाठी घेण्यात…

38 minutes ago

कॉलनी रस्त्यांचे घोडे अडले कुठे?

स्थायीत सदस्यांचा संताप; मुख्यमंत्र्यांची भेट घेऊ : सभापती नाशिक : प्रतिनिधी सिंहस्थ कुंभमेळ्याच्या नावाखाली नागरिकांना…

59 minutes ago

एसटी नाशिक विभागाचे दिवाळीत 25.67 कोटींचे उत्पन्न

दिवाळीची हंगामी भाडेवाढ न करताही विभागाच्या उत्पन्नात 1.35 कोटींची वाढ नाशिक : प्रतिनिधी यंदाच्या दिवाळी…

1 hour ago