नाशिक

सलग सुटट्यांनी त्र्यंबकेश्वरची वाहतूक व्यवस्था कोलमडली

त्र्यंबकेश्वर : प्रतिनिधी
सलग शासकीय सुटट्या आल्या की त्र्यंबकेश्वरची वाहतूक व्यवस्था कशी कोलमडते, याचा प्रत्यय महात्मा गांधी जयंतीची सुट्टी (शुक्रवार) व शनिवार-रविवार जोडून आल्यामुळे पुन्हा एकदा आला आहे. यापूर्वी स्वातंत्र्यदिनाच्या सुट्टीच्या वेळीही असाच वाहतुकीचा उडालेला गोंधळ पाहायला मिळाला होता.
शुक्रवारी (दि. 2 ऑक्टोबर) सकाळपासूनच शहरात येणार्‍या आणि जाणार्‍या वाहनांच्या काही किलोमीटरपर्यंत रांगा लागल्या होत्या.
नाशिक-त्र्यंबकेश्वर प्रवासासाठी साधारण एक तास लागतो. मात्र, शासकीय विश्रामगृहापासून शहरात प्रवेश करण्यासाठी दीड तास आणि शहराबाहेर पडताना पुन्हा शासकीय विश्रामगृहापर्यंत पोहोचण्यासाठी दीड तास लागल्याने भाविक व प्रवासी चांगलेच वैतागले होते. त्यातच रस्त्यांची कामे रेंगाळल्याने प्रवास अत्यंत संथगतीने आणि रडतखडत करावा लागत असल्याने ‘नको ते त्र्यंबकेश्वरी येणे,‘ अशी भावना भाविक मनोमनी व्यक्त करत होते.
त्र्यंबकेश्वरमध्ये प्रवेश देणारा मुख्य रस्ता (जव्हार फाटा ते नगर परिषद वाहनतळ) गेल्या एक वर्षापासून खोदून ठेवला आहे. सिंहस्थ कुंभमेळा उंबरठ्यावर आला असतानाही या रस्त्याचे काम प्राथमिक स्तरावरच आहे.
हा रस्ता वारंवार बंद ठेवला जात असून, गजानन महाराज चौक प्रवेश कमान ते डॉ. बाबासाहेब आंबेडकर चौक या मार्गावर बाहेरगावच्या वाहनांना प्रवेश दिला जात नाही. त्यातच या रस्त्यालगत सुरू असलेल्या खासगी बांधकामाचे साहित्य व आरएमसीची अवजड वाहने रस्त्यावर उभी राहत असल्याने वाहतूक खोळंबण्याच्या प्रमाणात वाढ झाली आहे.

Traffic system in Trimbakeshwar collapsed due to consecutive holidays.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

20 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

20 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

20 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

20 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

20 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

21 hours ago