नाशिक

’तो’ वाद गंगापूररोड परिसरातील फाइलवरून?

नगरसेवक-अभियंता प्रकरण

नाशिक : प्रतिनिधी
नाशिक महापालिकेतील नगररचना विभागात नाशिकरोडचे भाजप नगरसेवक सतीश निकम यांनी कनिष्ठ अभियंता प्रदीप भामरे यांना शिवीगाळ करत धमकावल्याचा धक्कादायक प्रकार नुकताच घडला होता. यामुळे महापालिका वर्तुळात खळबळ उडाली होती. दरम्यान, ज्या फाइलसाठी निकम यांनी आदळआपट केली, ती फाइल त्यांच्या प्रभाग 20 मधील नव्हे, तर गंगापूररोड परिसरातील कामासंदर्भातली असल्याचे समोर आल्याने यावरून जोरदार चर्चा रंगली आहे.
निकम यांनी घातलेल्या वादानंतर कनिष्ठ अभियंता प्रदीप भामरे यांनी मनपा आयुक्तांकडे तक्रार करत स्वेच्छानिवृत्तीसाठी अर्ज केला आहे. या घटनेची आयुक्तांनी गंभीर दखल घेतली असून, प्रशासन या घटनेचे सीसीटीव्ही फुटेज तपासणार आहे. या फुटेजच्या आधारे वस्तुस्थिती समोर आल्यानंतर याप्रकरणी कारवाईसाठी पावले उचलली जाण्याची शक्यता आहे.
दरम्यान, वादाच्या केंद्रस्थानी असलेली ती फाइल गंगापूररोड परिसरातील असल्याने निकम यांचा एवढा अट्टाहास का? अशी चर्चा होत आहे. ही फाइल वादग्रस्त असल्यानेच अभियंता भामरे यांनी त्यावर कार्यवाही केली नसल्याचे बोलले जाते. सतीश निकम प्रभाग 20 चे नगरसेवक असताना गंगापूररोड परिसरातील कामाशी त्यांचा काय संबंध? आणि त्यासाठी नगररचना विभागात त्यांच्याकडून एवढा पाठपुरावा का केला जात होता, अशीही चर्चा सुरू झाली आहे.

मनपा आयुक्त घेणार बैठक
अभियंता आणि भाजप नगरसेवकातील वादाप्रकरणी सोमवारी (दि. 15) आयुक्त मनीषा खत्री संबंधितांची बैठक घेणार होत्या. मात्र, विधान परिषद निवडणुकीच्या पार्श्वभूमीवर नगरसेवक मुंबईला रवाना झाले. त्यामुळे प्रस्तावित बैठक न झाल्याने आयुक्त दोन्ही बाजूंची भूमिका आठवड्यानंतरच ऐकून घेणार असल्याचे समजते.

चांगली वागणूक दिली नाही
प्रभाग क्रमांक 12 तील आपल्या एका परिचित व्यक्तीचे काम असल्याने त्यासंदर्भात मी अधिकार्‍यांना विचारणा केली. जर त्या फाइलमध्ये काही चुकीचे असेल तर त्यावर काम करू नका; परंतु लोकप्रतिनिधी म्हणून आदराने बोलायला हवे. त्या दिवशी आपल्याशी संबंधितांनी चुकीचे वर्तन केले.
– सतीश निकम, नगरसेवक, भाजप

 

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

19 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

19 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

19 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

20 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

20 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

20 hours ago