नाशिक

म्हसरूळमध्ये तरुणावर धारदार शस्त्राने प्राणघातक हल्ला

चौघांविरुद्ध गुन्हा, एकाला अटक

पंचवटी : प्रतिनिधी
म्हसरूळ पोलीस ठाण्याच्या हद्दीतील दिंडोरी रोडवर एका वीसवर्षीय तरुणावर धारदार शस्त्राने हल्ला झाल्याची गंभीर घटना 20 सप्टेंबर रोजी रात्री घडली. या हल्ल्यात तरुणाच्या डोक्याला व उजव्या हाताला गंभीर दुखापत झाली आहे. त्याच्यावर रुग्णालयात उपचार सुरू आहेत. याप्रकरणी म्हसरूळ पोलिसांनी चौघांविरुद्ध गुन्हा दाखल केला आहे. अनिकेत पवार या संशयित आरोपीला अटक केली आहे.
पेठ रोडवरील अश्वमेधनगर येथे राहणारा तुषार दीपक इंगळे (वय 20) हा 20 सप्टेंबर रोजी रात्री सुमारे पावणेदहाच्या सुमारास दिंडोरी रोडवरील मधुर स्वीट व रिलायन्स पेट्रोलपंपाजवळ आपला भाऊ सिद्धेश याच्यासोबत उभा होता. यावेळी तुषार हा आपल्या मित्राला पैसे देत असल्याचे पोलिसांत दाखल तक्रारीत नमूद करण्यात आले आहे. याचदरम्यान आर्यन मोगरे, साई कुटे आणि अन्य दोन साथीदार तेथे आले. त्यांच्यात कोणत्या कारणावरून वाद सुरू झाला. याबाबत पोलिसांकडून तपास केला जात आहे. वाद वाढल्यानंतर संशयितांनी तुषारवर धारदार शस्त्राने हल्ला केल्याचा आरोप आहे.
हल्ल्यात तुषारच्या डोक्यावर तसेच उजव्या हातावर वार झाले. गंभीर जखमी झाल्याने तो घटनास्थळी रक्ताच्या थारोळ्यात पडला. त्यानंतर त्याला तातडीने उपचारासाठी रुग्णालयात दाखल करण्यात आले. या घटनेनंतर संशयित घटनास्थळावरून पसार झाले. या घटनेची माहिती मिळताच म्हसरूळ पोलिसांनी घटनास्थळी धाव घेतली. या प्रकरणाचे गांभीर्य लक्षात घेऊन वरिष्ठ पोलीस निरीक्षक अतुल डहाके यांच्या मार्गदर्शनाखाली गुन्हेशोध पथकाने तपास सुरू केला. पोलीस उपनिरीक्षक दीपक पठारे, अमोल मस्के व त्यांच्या सहकार्‍यांनी संशयितांचा शोध घेण्यासाठी विविध पातळ्यांवर तपास सुरू केला. पोलिसांनी उपलब्ध माहितीच्या आधारे तपासाची चक्रे फिरवत या प्रकरणातील अनिकेत पवार याला ताब्यात घेतले. त्यानंतर त्याला अटक करण्यात आली. या प्रकरणात आणखी संशयितांचा सहभाग असल्याने त्यांचा शोध सुरू असल्याची माहिती पोलिसांनी दिली. दरम्यान, अटक केलेल्या आरोपीला पोलिसांनी हल्ला झालेल्या घटनास्थळी नेले. तेथे पोलिसांच्या बंदोबस्तात त्याला पायी फिरविण्यात आले. परिसरात घडलेल्या गंभीर घटनेच्या पार्श्वभूमीवर पोलिसांची कारवाई ठोस असल्याचा संदेश नागरिकांपर्यंत पोहोचविण्याचा प्रयत्न या कारवाईतून करण्यात आला.
या घटनेनंतर परिसरात काही काळ भीतीचे वातावरण निर्माण झाले होते. त्यामुळे पोलिसांच्या या कारवाईकडे नागरिकांचे लक्ष लागले होते. गुन्हेगारी प्रवृत्तींना आळा घालण्यासाठी तसेच कायदा व सुव्यवस्था कायम ठेवण्यासाठी पोलिसांनी तपासाला वेग दिला आहे.

Youth attacked with a sharp weapon in a life-threatening assault in Mhasrul.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

22 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

22 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

23 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

23 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

23 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

23 hours ago