नगरपरिषदेतर्फे मालमत्ता, पाणीपट्टी थकबाकी वसुली मोहीम
ओझर : वार्ताहर
ओझर नगरपरिषद हद्दीतील नागरिकांकडे असलेल्या मालमत्ता कर व पाणीपट्टीच्या थकबाकी वसुलीसाठी ओझर नगरपरिषदेतर्फे सक्त वसुली मोहीम राबविण्यात आली. या मोहिमेंतर्गत धडक कारवाईत महिनाभरात 150 नळकनेक्शन खंडित केले असून, पाच गाळेही सील केले आहे.
मुख्याधिकारी किरण देशमुख यांच्या मार्गदर्शनाखाली मार्च 2026 च्या धर्तीवर ओझर नगरपरिषदेमार्फत मालमत्ता कर व पाणीपट्टी व गाळा भाडेच्या थकबाकीकरिता कार्यालयीन अधिकारी-कर्मचार्‍यांचे तीन पथके बनवून सक्त वसुली मोहीम राबवण्यात आली. नगरपरिषदेतर्फे थकीत मालमत्ता पाणीपट्टी व इतर कर भरण्यासाठी घंटागाडी, रिक्षाद्वारे, कार्यालयीन नोटीसद्वारे सूचित करण्यात येत आहे. सदर वसुली मोहीम व कारवाई ही मार्च 2026 अखेरपर्यंत सुरू राहील. मोहिमेंतर्गत थकबाकीदारांचे नळकनेक्शन कट करणे, मिळकतीवर बोजा चढवणे, जप्तीची कारवाई करणे, तसेच थकबाकीदारांची नावे वर्तमानपत्रात व चौकाचौकात बोर्ड बॅनरद्वारे प्रदर्शित करण्याची कारवाई व गाळा भाडे थकबाकीपोटी गाळा सील करणे अथवा जप्तीची कारवाई करण्यात येईल, असे सांगून घरपट्टी, पाणीपट्टी व इतर थकीत करांचा तत्काळ भरणा करावा व कटू कारवाई टाळावी. मालमत्ता करासाठी लागू असलेल्या अभय योजनेचा लाभ घेऊन नागरिकांनी कर भरून नगरपरिषदेस सहकार्य करावे, असे आवाहन मुख्याधिकारी देशमुख यांनी केले आहे.
150 water connections disconnected in Ozark in a month
- कुबेर जाधव केंद्रीय लोकसेवा आयोगाचा निकाल जाहीर झाला आहे. जाहीर करण्यात रिझल्टनुसार, एकूण बसलेल्या…
- अशोक थोरात गैरकारभार, घोटाळे, अफरातफर, लाच घेणार्‍यांसाठी सीबीआय, ईडी, लाचलुचपत प्रतिबंधकसह काही संस्था देशात…
- आनंदा जाधव काही दशकांपूर्वी राज्यातील बहुसंख्य जिल्ह्यांत साखर कारखानदारी बहरली होती. मुबलक उसामुळे अगदी…
- प्रशांत पोतदार काही गोष्टींचं कारण आपल्याला कधीच कळत नाही. कुणीतरी मनापासून हसतं आणि आपल्यालाही…
- गोरख काळे गरीब कुटुंबातील महिलांना स्वावलंबी बनवण्याच्या उदात्त हेतूने नाशिक महापालिकेच्या महिला व बालकल्याण…
दिवाळी म्हणजे प्रकाशाचा उत्सव, आनंदाची उधळण, नात्यांमधील गोडवा आणि नव्या आशांचा जागर. घराघरांत दिवे लागतात,…