अंगणवाडी सेविकांना 2,000 भाऊबीज मंजूर

नाशिक : प्रतिनिधी
एकात्मिक बाल विकास सेवा योजना या केंद्र पुरस्कृत योजनेअंतर्गत कार्यरत असलेल्या अंगणवाडी सेविका, मदतनीस व मिनी अंगणवाडी सेविका या मानधनी कर्मचा-यांना सन 2022-23 या आर्थिक वर्षात
प्रत्येकी रु.2,000/- प्रमाणे भाऊबीज भेट रक्कम देण्यास शासन मंजूरी दिलेली आहे.

एकात्मिक बाल विकास सेवा योजनेअंतर्गत कार्यरत असलेल्या अंगणवाडी सेविका, मदतनीस व मिनी अंगणवाडी सेविका यांना भाऊबीज भेट अदा करण्याकरिता आयुक्त, एकात्मिक बाल विकास सेवा योजना, महाराष्ट्र राज्य, नवी मुंबई यांना नियंत्रक अधिकारी म्हणून घोषित करण्यात आलेले आहे.
आयुक्त, एकात्मिक बाल विकास सेवा योजना, महाराष्ट्र राज्य, नवी मुंबई यांनी कार्यरत अंगणवाडी सेविका, मदतनीस व मिनी अंगणवाडी सेविका यांना भाऊबीज भेट तात्काळ अदा होण्याच्या अनुषंगाने अनुदान वितरीत केलेले आहे

नाशिक जिल्ह्यातील 4580 अंगणवाडी सेविका, 487 मिनी अंगणवाडी सेविका, 4006 अंगणवाडी मदतनीस यांना भाऊबीज चा लाभ मिळणार आहे…