Categories: महाराष्ट्र

दीड लाखांची लाच मागणाऱ्या एटीएसच्या पोलिसावर गुन्हा दाखल

दीड लाखांची लाच मागणाऱ्या
एटीएसच्या पोलिसावर गुन्हा दाखल
नाशिक: प्रतिनिधी
फायरिंगच्या गुन्ह्यात अटक न करण्याबरोबरच ताब्यात घेतलेल्या तक्रारदाराच्या भावाला सोडून देण्याच्या मोबदल्यात दोन लाखांची लाच मागून दीड लाख स्वीकारण्यची तयारी दर्शविलेल्या एटीएस च्या संदीप चव्हाण या पोलीस कर्मचाऱ्याला लाच लुचपत प्रतिबधक विभागाने अटक केली आहे.
तक्रारदार याच्या भावाला फायरिंग च्या गुन्ह्यात एटीएस ने ताब्यात घेतले होते. त्यामुळे अटक न करता सोडून द्यावे म्हणून संदीप चव्हाण याने 2 लाख रुपयांची लाच मागितली होती. दीड लाख रुपयांवर तडजोड होऊन ते स्वीकारण्याची तयारी चव्हाण याने दाखवली होती. त्यामुळे गुन्हा दाखल करण्यात आला आहे. सापळा अधिकारी श्रीमती गायत्री जाधव, मीरा आदमाणे, संदीप वणवे, ज्योती शार्दूल, परशराम जाधव यांच्या पथकाने अधीक्षक शर्मिष्ठा वालावलकर, घारगे अपर अधीक्षक माधव रेड्डी, स्वप्नील राजपूत वाचक पोलीस अधीक्षक यांच्या मार्गदर्शनाखाली ही कारवाई करण्यात आली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.