नाशिक

’समृद्धी’वर कंटेनरला कारची धडक, दोघांचा मृत्यू

सिन्नर : प्रतिनिधी
शिर्डीकडे निघालेल्या वसईतील तिघांचा प्रवास समृद्धी महामार्गावर काळरात्रीत बदलला. सिन्नर तालुक्यातील गोंदे शिवारात चालकाला डुलकी आल्याने किया कारवरील नियंत्रण सुटले आणि कार पुढे धावणार्‍या कंटेनरवर जाऊन आदळली. या भीषण अपघातात कारमधील दोघांचा मृत्यू झाला, तर एकजण गंभीर जखमी झाला. रविवारी (दि. 6) पहाटे 5.10 वाजता हा अपघात झाला. किया कार (एमएच 48- डीएक्स 9432) वसईहून शिर्डीच्या दिशेने जात होती. गोंदे शिवारातील चॅनल क्रमांक 564.2 येथे चालकाला डुलकी लागल्याने कारवरील नियंत्रण सुटले. कारने पुढे जाणार्‍या कंटेनर ट्रक (एमएच 46- सीयू 7702)ला पाठीमागून जोरदार धडक दिली. धडकेमुळे कारचे मोठे नुकसान झाले. या अपघातात शबनूर अजित कोठारीवाला (वय 24) आणि प्रिन्स ऊर्फ सतीश पेशवानी (39, दोघेही रा. वसई पूर्व, जि. ठाणे) यांचा मृत्यू झाला. शब्बीर अजित कोठारीवाला (रा. वसई) गंभीर जखमी झाले. अपघाताची माहिती मिळताच समृद्धी महामार्गावरील रुग्णवाहिका घटनास्थळी पोहोचली. जखमीला सिन्नर येथील परम साई हॉस्पिटलमध्ये दाखल करण्यात आले. क्रेनच्या सहाय्याने अपघातग्रस्त वाहने रस्त्याच्या कडेला हटवण्यात आल्याने महामार्गावरील वाहतूक सुरळीत राहिली. याप्रकरणी वावी पोलिस ठाण्यात अपघाताची नोंद करण्यात आली. पोलिस तपास सुरू आहे.

Car crashes into container on ‘Samruddhi’ Expressway; two dead.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

18 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

18 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

18 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

18 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago