डॉ.अद्वय हिरे यांची उद्धव बाळासाहेब ठाकरे पक्षाच्या उपनेतेपदी निवड

मालेगाव: प्रतिनिधी

डॉ.अद्वय हिरे यांची उद्धव बाळासाहेब ठाकरे पक्षाच्या उपनेतेपदी निवड करण्यात आली. पक्षाचे सचिव खासदार विनायक राऊत यांनी प्रसिद्धीस दिलेल्या पत्रकाद्वारे माहिती दिली. खासदार संजय राऊत यांनी ट्विट करून अद्वय हिरे यांचे संघटन कौशल्य शिवसेना वाढीसाठी नक्कीच फायद्याचे ठरेल अशा शब्दात शुभेच्छा दिल्या.

डॉ.अद्वय हिरे यांच्या शिवसेना प्रवेश महत्वाचा मानला जात आहे. यातच त्यांची उपनेतेपदी निवड करण्यात आल्याने उत्साह वाढला आहे. येत्या २६ तारखेला मालेगावच्या कॉलेज ग्राऊंडवर शिवसेना पक्षप्रमुख उद्धव ठाकरे यांची शिवगर्जना महामेळावा आयोजित करण्यात आला आहे. यासाठी डॉ. हिरे यांनी मुंबई येथे मातोश्री वर जाऊन ठाकरे यांची भेट घेऊन त्यांना आमंत्रण दिले.

याप्रसंगी खासदार संजय राऊत, विनायक राऊत, माजीमंत्री सुभाष देसाई, विरोधी पक्षनेते आंबदास दानवे, आमदार भास्करराव जाधव, संपर्कप्रमुख जयंत दिंडे, सहनेते सुनील बागुल, सुधाकर बडगुजर, सुरेश पवार, पवन ठाकरे आदी उपस्थित होते.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.