महाराष्ट्र

लालबागच्या राजाच्या व्हीआयपी रांगेबाबत नोटीस

मुंबई डबेवाला असोसिएशननेही व्यक्त केला तीव्र संताप

मुंबई : प्रतिनिधी
मुंबईतील प्रसिद्ध ’लालबागच्या राजा’च्या दर्शनादरम्यान सामान्य नागरिक आणि अतिमहत्त्वाच्या व्यक्तींसाठी (व्हीआयपी) स्वतंत्र रांगेबाबत मानवी हक्क आयोगाने नोटीस बजावली आहे. सहा आठवड्यात यावर मंडळाकडून खुलासा मागविण्यात आला आहे. व्हीआयपी आणि सामान्य नागरिक यांच्यात केल्या जाणार्‍या दुजाभावावर मुंबई डबेवाला असोसिएशननेही तीव्र संताप व्यक्त केला आहे. सामान्य भाविकांना तासन्तास रांगेत ताटकळत उभे राहावे लागते, तर दुसरीकडे सेलिब्रिटी आणि व्हीआयपींना मात्र थेट आणि आदरपूर्वक दर्शन दिले जाते.
नुकतेच लालबाग राजा दर्शनाच्या रांगेत जळगावच्या एका 25 वर्षीय तरुणाचा गर्दीत घुसमटून नंतर आलेल्या हृदयविकाराच्या झटक्याने मृत्यू झाला. या पार्श्वभूमीवर, मंडळाचे नियोजन कोलमडल्याचा आरोप डबेवाल्यांनी केला आहे. असोसिएशनचे अध्यक्ष सुभाष तळेकर यांनी या भेदभावाला कडाडून विरोध करत, धर्मादाय आयुक्तांनी यात लक्ष घालून लालबागच्या राजाचे ’व्हीआयपी दर्शन’ त्वरित बंद करावे, अशी जोरदार मागणी केली आहे.
एकीकडे व्हीआयपी दर्शनावरून वाद सुरू असतानाच, दुसरीकडे याच जलद दर्शनाच्या नावाखाली भाविकांची आर्थिक फसवणूक होत असल्याचा धक्कादायक प्रकार उघडकीस आला आहे. लालबागच्या राजाचे लवकर ’चरणस्पर्श दर्शन’ घडवून देण्याचे आमिष दाखवून चार तरुणांकडून 3,400 रुपये उकळल्याप्रकरणी काळाचौकी पोलिसांनी एका 18 वर्षीय तरुणाला अटक केली आहे. एका विद्यार्थ्याने आणि त्याच्या तीन मित्रांनी लवकर दर्शन मिळावे म्हणून आरोपीला प्रत्येकी 850 रुपये दिले होते, मात्र पैसे घेतल्यानंतर त्याने दर्शनही घडवले नाही आणि पैसेही परत करण्यास नकार दिला. याप्रकरणी फसवणूक झालेल्या तरुणांनी पोलिसांत धाव घेतल्यानंतर गुन्हा दाखल करण्यात आला असून पोलीस पुढील तपास करत आहेत.

 

 

 

Notice regarding the VIP queue for Lalbaugcha Raja.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

1 day ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

1 day ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

1 day ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago